Visto o expediente para outorgamento das autorizacións administrativas previa e de construción da instalación eléctrica que a continuación se describe e de acordo co anexo de reforma do proxecto presentado o día 29 de setembro de 2017:

Solicitante: O Teso, S.C.

Domicilio social: Penedos (Esgos).

Denominación: modificación LMT e CT para granxa.

Situación: Alto do Couso.

Características técnicas:

LMT aérea a 20 kV de 132 m, condutor LA-56 e orixe no apoio actual a substituir do CT Alto do Couso-granxa (32A863) e remate no apoio nova situación CT 32A863 intemperie de 50 kVA que aumenta a súa potencia a 100 kVA e R/T 20.000/400-230 V.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II do título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territoria resolve:

Conceder a autorización previa e a autorización administrativa de construción á devandita instalación, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e en especial as relativas á ordenación do territorio e ao ambiente.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra a presente resolución poderá interpoñer recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación ou publicación desta resolución; tamén poderá interpoñer calquer outro recurso que considere pertinente ao seu dereito.

Ourense, 5 de outubro de 2017

Santiago Álvarez González
Xefe territorial de Ourense