A Resolución da Axencia Galega de Innovación do 26 de maio de 2017 (DOG nº 108, do 8 de xuño) estableceu as bases reguladoras para a concesión, en réxime de concorrencia competitiva, das subvencións para a creación, posta en marcha e consolidación de unidades mixtas de investigación aliñadas cos retos estratéxicos e prioridades identificadas na RIS3 para Galicia, cofinanciadas polo Fondo Europeo de Desenvolvemento Rexional (Feder) no marco do programa operativo Feder Galicia 2014-2020 e procedeu á súa convocatoria para o ano 2017.
Os artigos 3 e 4 desta resolución de convocatoria establecen os requisitos que deben cumprir, respectivamente, os beneficiarios e as unidades mixtas de investigación para poder optar ás axudas.
A comisión de valoración prevista no artigo 15 das bases reguladoras, reunida o 5 de outubro de 2017, elaborou unha proposta de financiamento das solicitudes por orde decrecente da puntuación acadada, tendo en conta os informes de valoración emitidos polos expertos, ata o esgotamento do crédito previsto na convocatoria.
Así mesmo, a comisión de valoración propuxo unha lista de suplentes coas solicitudes para as cales non se dispón de crédito para o seu financiamento, pero que acadaron unha puntuación igual ou superior a 60 puntos, e a denegación das solicitudes que non acadaron unha puntuación mínima de 60 puntos, conforme o disposto no artigo 16 das bases reguladoras.
No artigo 19 da convocatoria regúlanse a resolución e a notificación destas axudas unha vez que a comisión de valoración seleccione as solicitudes admitidas e emita un informe no cal se concrete o resultado da avaliación efectuada e a contía da axuda proposta, conforme os criterios establecidos nos artigos 16 e 17.
De acordo con isto,
RESOLVO:
1. Conceder as axudas para a creación, posta en marcha e consolidación das unidades mixtas de investigación que figuran como anexo I a esta resolución, por orde decrecente de puntuación ata o esgotamento do crédito dispoñible na convocatoria, por un importe total de 5.000.000,00 euros, coa seguinte distribución:
|
Aplicación orzamentaria |
Ano 2017 (€) |
Ano 2018 (€) |
Ano 2019 (€) |
Ano 2020 (€) |
Total (€) |
|
09.A3.561A.781.0 |
347.038,04 |
1.512.867,74 |
1.199.743,42 |
901.207,94 |
3.960.857,14 |
|
09.A3.561A.743.0 |
76.961,96 |
412.132,26 |
300.256,58 |
249.792,06 |
1.039.142,86 |
|
Total |
424.000,00 |
1.925.000,00 |
1.500.000,00 |
1.151.000,00 |
5.000.000,00 |
Estas axudas están cofinanciadas no marco do programa operativo Feder Galicia 2014-2020, eixe 1: «Promover o desenvolvemento tecnolóxico, a innovación e unha investigación de calidade», prioridade de investimento 1.2: «O fomento do investimento empresarial en I+i, o desenvolvemento de vínculos e sinerxías entre as empresas, os centros de investigación e desenvolvemento e o sector do ensino superior, en particular mediante o fomento do investimento no desenvolvemento de produtos e servizos, a transferencia de tecnoloxía, a innovación social, a innovación ecolóxica, as aplicacións de servizo público, o estímulo da demanda, a interconexión en rede, as agrupacións e a innovación aberta a través dunha especialización intelixente, e mediante o apoio á investigación tecnolóxica e aplicada, liñas piloto, accións de validación precoz dos produtos, capacidades de fabricación avanzada e primeira produción, en particular, en tecnoloxías facilitadoras esenciais e difusión de tecnoloxías polivalentes». Obxectivo específico 1.2.3: «Fomento e xeración de coñecemento de fronteira, desenvolvemento de tecnoloxías emerxentes, tecnoloxías facilitadoras esenciais e coñecemento orientado aos retos da sociedade» e actuación 1.2.3.2: «Actividades de investigación e innovación para o desenvolvemento de proxectos estratéxicos público-privados: centros mixtos de I+D+i».
O pagamento destas axudas realizarase conforme o establecido no artigo 26 da resolución de convocatoria.
Para a xustificación da subvención deberá presentarse a documentación indicada no artigo 25 da convocatoria nos prazos establecidos no punto 2 do citado artigo (modificado pola Resolución do 19 de outubro de 2017, publicada no DOG nº 204, do 26 de outubro).
2. Establecer a lista de suplentes que figura como anexo II a esta resolución coas solicitudes que obtiveron unha puntuación inferior á das solicitudes do anexo I e igual ou superior a 60 puntos e que non poden ser financiadas por terse agotado os créditos dispoñibles na convocatoria.
3. Denegar as axudas solicitadas que se relacionan a continuación por non ter acadado a puntuación mínima de 60 puntos establecida na convocatoria para ser financiables.
|
Nº de expediente |
Modalidade |
Representante UMI solicitante |
NIF |
Integrantes UMI |
Denominación UMI |
|
IN853A-2017/02 |
Consolidación UMI |
Cetaqua Galicia |
G70312020 |
Cetaqua Galicia Viaqua Gestión Integral de Aguas de Galicia, S.A.U. |
CIGAT PLUS |
|
IN853A-2017/07 |
Nova UMI |
USC |
Q1518001A |
USC Lácteos Industriales Agrupados, S.A. |
Unidade de novos procesos, innovación e valorización de compoñentes lácteos (Unpivacol) |
Contra esta resolución, sen prexuízo de que os interesados poidan exercer calquera outro que consideren procedente, poderán interpoñer recurso de alzada no prazo dun mes desde o día seguinte ao da publicación desta resolución no Diario Oficial de Galicia, perante o presidente da Axencia Galega de Innovación.
Santiago de Compostela, 31 de outubro de 2017
Patricia Argerey Vilar
Directora da Axencia Galega de Innovación
