Logo de obter a verificación do plan de estudos polo Consello de Universidades, logo de informe favorable da Axencia para a Calidade do Sistema Universitario de Galicia, así como a autorización da Comunidade Autónoma de Galicia para a súa implantación, e establecido o carácter oficial do título por Acordo do Consello de Ministros do 25 de setembro de 2015 (publicado no BOE do 21 de outubro por Resolución da Secretaría Xeral de Universidades do 2 de outubro de 2015), esta reitoría, de conformidade co disposto no artigo 35.4 da Lei orgánica 6/2001, de universidades, na redacción dada pola Lei orgánica 4/2007,

RESOLVE:

Publicar o plan de estudos conducente á obtención do título do máster universitario en Estudos Avanzados en Museos, Arquivos e Bibliotecas pola Universidade da Coruña, que se estrutura segundo consta no anexo.

A Coruña, 17 de outubro de 2017

Julio E. Abalde Alonso
Reitor da Universidade da Coruña

ANEXO
Plan de estudos conducente á obtención do título do máster universitario
en Estudos Avanzados en Museos, Arquivos e Bibliotecas pola Universidade
da Coruña_Código RUCT: 4315202

Estrutura das ensinanzas (Real decreto 1393/2007, anexo I, punto 5.1).

1. Rama de coñecemento á que se adscribe o título: Artes e Humanidades.

2. Distribución do plan de estudos en créditos ECTS, por tipo de materia:

Tipo de materia	Créditos ECTS
Obrigatorias (OB)	24
Optativas (OP)	24*
Prácticas externas (PE)	6
Traballo de fin de máster (TFM)	6
Créditos totais	60

* Os 24 créditos optativos distribúense como se indica a continuación:

– Disciplinas obrigatorias da especialidade elixida (OBE): 12 créditos.

– Disciplinas optativas da especialidade elixida (OPE): 12 créditos.

3. Especialidades:

– Museos.

– Bibliotecas Patrimoniais e Arquivos Históricos.

4. Contido do plan de estudos.

Módulo/especialidade	Disciplina	Créditos ECTS	Carácter
Disciplinas comúns obrigatorias	Historia da Cultura e do Pensamento Europeos	3	OB
	Patrimonio Cultural e Museoloxía	6	OB
	Patrimonio Bibliográfico Documental e Arquivística	6	OB
	Sistema Español de Museos, Arquivos e Bibliotecas	3	OB
	Metodoloxía para a Investigación en Humanidades e Documentación	3	OB
	Seminarios sobre Tendencias Actuais en Museos, Arquivos e Bibliotecas	3	OB
Especialidade 1: Museos	Historia dos Museos e do Coleccionismo	3	OBE
	Museos e Novas Tecnoloxías	3	OBE
	Museografía	3	OBE
	Organización e Xestión de Museos	3	OBE
	Políticas Culturais e Lexislación	3	OPE
	Marketing Cultural e da Información	3	OPE
	Literatura e Casas Museo	3	OPE
	Ética e Deontoloxía Profesional	3	OPE
	Territorio Museo e Turismo Cultural: Interpretación do Patrimonio	3	OPE
	Espazos Naturais e Ecomuseos	3	OPE
	Musealización do Patrimonio Arqueolóxico	3	OPE
	Musealización do Medio Ambiente Mariño e a Cultura Pesqueira	3	OPE
Especialidade 2: Bibliotecas Patrimoniais e Arquivos Históricos	Historia dos Arquivos e as Bibliotecas	3	OBE
	Arquivos, Bibliotecas e Novas Tecnoloxías	3	OBE
	Organización e Xestión de Arquivos Históricos e Bibliotecas Patrimoniais	3	OBE
	Paleografía e Diplomática	3	OBE
	Políticas Culturais e Lexislación	3	OPE
	Marketing Cultural e da Información	3	OPE
	Arquivos Municipais e Historia Local	3	OPE
	Heráldica e Sixilografía	3	OPE
	Proxectos de Dixitalización	3	OPE
	Codicoloxía	3	OPE
	Historia das Institucións e da Administración	3	OPE
	Patrimonio e Documentación Audiovisual	3	OPE
Prácticas externas	Prácticas externas	6	PE
Traballo de fin de máster	Traballo de fin de máster	6	TFM

O alumnado debe elixir unha das dúas especialidades e dentro de cada especialidade debe realizar as disciplinas optativas que son obrigatorias de especialidade (OBE) e elixir 4 das 8 disciplinas optativas que se ofertan (OPE).

Unidade temporal:

A unidade temporal de todas as disciplinas é cuadrimestral e no curso existe un equilibrio de créditos entre o 1º e o 2º cuadrimestre, que deberá ser respectado no caso de producirse unha modificación da organización temporal das disciplinas.

5. Condicións de terminación.

O alumnado, unha vez elixida a especialidade, deberá superar 60 créditos, distribuídos como se indica no punto 2, para obter o título do máster universitario en Estudos Avanzados en Museos, Arquivos e Bibliotecas.