Logo de obter a verificación do plan de estudos polo Consello de Universidades, logo do informe favorable da Axencia para a Calidade do Sistema Universitario de Galicia, así como a autorización da Comunidade Autónoma de Galicia para a súa implantación, e establecido o carácter oficial do título por Acordo do Consello de Ministros do 25 de setembro de 2015 (publicado no BOE do 21 de outubro de 2015 por Resolución da Secretaría Xeral de Universidades do 2 de outubro de 2015), esta Reitoría, de conformidade co disposto no artigo 35.4 da Lei orgánica 6/2001, de universidades, na redacción dada pola Lei orgánica 4/2007,

RESOLVE:

Publicar o plan de estudos conducente á obtención do título do máster universitario en Discapacidade e Dependencia pola Universidade da Coruña, que se estrutura segundo consta no anexo.

A Coruña, 17 de outubro de 2017

Julio E. Abalde Alonso
Reitor da Universidade da Coruña

ANEXO
Plan de estudos conducente á obtención do título do máster universitario
en Discapacidade e Dependencia pola Universidade da Coruña
Código RUCT: 4315466

Estrutura das ensinanzas (Real decreto 1393/2007, anexo I, punto 5.1).

1. Rama de coñecemento á que se adscribe o título: Ciencias da Saúde.

2. Distribución do plan de estudos en créditos ECTS, por tipo de materia:

Tipo de materia	Créditos ECTS
Obrigatorias (OB)	24
Optativas (OP)	30
Traballo fin de máster (TFM)	6
Créditos totais	60

3. Especialidades do título:

– Rehabilitación Funcional na Discapacidade e na Dependencia.

– Intervención Psicolóxica na Discapacidade e na Dependencia.

4. Contido do plan de estudos:

Módulo/Especialidade	Disciplina	Créditos ECTS	Carácter	Unidade temporal
Módulo común	Metodoloxía da Investigación	9	OB	Anual
	Ferramentas Multimedia para a Investigación	6	OB	Cuadrimestral
	Fundamentos Bioético-Xurídicos da Discapacidade e da Dependencia	4,5	OB	Cuadrimestral
	Antropoloxía da Saúde e a Discapacidade	4,5	OB	Cuadrimestral
Especialidade: Rehabilitación Funcional na Discapacidade e na Dependencia	Tecnoloxía de Apoio ao Discapacitado	6	OP	Cuadrimestral
	Enfoque Multidisciplinar da Dor: Neurobioloxía, Dor e Discapacidade, Sistemas de Avaliación, Novos Paradigmas de Estudo e Intervención	6	OP	Cuadrimestral
	Rehabilitación Cardiorrespiratoria Avanzada	6	OP	Cuadrimestral
	Bases e Principios de Neurociencia e Rehabilitación Neurolóxica	6	OP	Cuadrimestral
	Xestión de Recursos Sociosanitarios na Discapacidade e na Dependencia	6	OP	Cuadrimestral
Especialidade: Intervención Psicolóxica na Discapacidade e na Dependencia	Trastornos da Linguaxe Oral e Escrita	6	OP	Cuadrimestral
	Atención Temperá	6	OP	Cuadrimestral
	Intervención na Demencia	6	OP	Cuadrimestral
	Intervención Familiar na Discapacidade	6	OP	Cuadrimestral
	Envellecemento Satisfactorio	6	OP	Cuadrimestral
Traballo fin de máster	Traballo fin de máster	6	TFM	Cuadrimestral

O alumnado debe elixir unha das dúas especialidades e realizar obrigatoriamente os 30 créditos dos que consta a especialidade elixida.

5. Condicións de terminación:

O alumnado, unha vez elixida a especialidade, deberá superar 60 créditos ECTS, distribuídos como se indica nos puntos 2 e 4, para obter o título de Máster Universitario en Discapacidade e Dependencia.