Visto o expediente para outorgamento das autorizacións administrativas previa e de construción da instalación eléctrica que a continuación se describe:

Solicitante: Hidroeléctrica José Matanza García, S.L.

Domicilio social: lugar de Casares, 11, 27520 Carballedo.

Denominación: ampliación CT, RBT Toldavia.

Situación: Vilamarín.

Características técnicas:

– Substitución do actual transformador de 75 kVA (expediente 2217 AT) por un novo CT en Toldavia, intemperie de 160 kVA con RT 20.000/400-230 V.

– RBT Toldavia. Reforzo tramo CT/apoio nº 3, cond. RZ 3×95 AL (51 m), e treito apoios 18/19, en cond. 3×25 Al (21 m). Instalación dun novo apoio nº 1, próximo ao centro de transformación.

Orzamento: 7.313 euros.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Conceder a autorización previa e a autorización administrativa de construción da dita instalación, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e/ou autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra a presente resolución poderá interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación ou publicación desta resolución; tamén poderá interpor calquera outro recurso que estime pertinente ao seu dereito.

Ourense, 22 de setembro de 2017

Santiago Álvarez González
Xefe territorial de Ourense