Aprobado inicialmente polo Pleno do Concello do 28 de setembro de 2017 o Proxecto de modificación puntual número 1 do Plan xeral de ordenación municipal de Paderne de Allariz co obxecto de revisar a delimitación do núcleo rural de Rioseco, e de conformidade co artigo 78 da Lei 2/2016, do 10 de febreiro, do solo de Galicia, sométese a información pública polo prazo de dous meses, contados desde a última publicación deste anuncio no Diario Oficial de Galicia e nos dous xornais de maior difusión da provincia de Ourense (La Región e La Voz de Galicia).
Durante o dito prazo poderá ser examinado por calquera interesado/a nas dependencias municipais (Rioseco, nº 7, Paderne de Allariz), en días hábiles, das 9.00 ás 14.00 horas e poderanse presentar as alegacións e suxestións que se consideren pertinentes.
Queda suspendido o outorgamento de licenzas, nos termos establecidos no artigo 86 do Regulamento da Lei do solo de Galicia, naqueles ámbitos do territorio obxecto da modificación do PXOM cuxas novas determinacións supoñan a modificación da ordenación urbanística vixente. A duración da suspensión é de dous anos, aínda que se extinguirá de maneira automática cando se aprobe de maneira definitiva a modificación do PXOM.
Rioseco-Paderne, 5 de outubro de 2017
José Manuel Fernández Gómez
Alcalde