O Concello de Lalín vén de subscribir once convenios urbanísticos para a execución do planeamento para a obtención anticipada de terreos dotacionais necesarios para a construción dunha rotonda na intersección da avenida Xosé Cuíña e a avenida Monserrat, localizados dentro do ámbito do Plan parcial SUE-3 «Circunvalación» do PXOM de Lalín.

De acordo co disposto nos artigos 168.1 da Lei 2/2016, do 10 de febreiro, do solo de Galicia, e 401.2 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, os convenios sométense a exposición pública polo período dun mes contado desde a publicación do presente anuncio no Diario Oficial de Galicia.

Os convenios poden ser consultados no enderezo web http://lalin.gal/convenios.

Lalín, 22 de setembro de 2017

Rafael Cuíña Aparicio
Alcalde