A sociedade cooperativa de traballo asociado Eirademouros, Sociedade Cooperativa Galega, con domicilio social no lugar de Santo André de Camporredondo, Ribadavia (Ourense), e con CIF F32427734, por medio deste anuncio e en cumprimento do artigo 78 da Lei 5/1998, de cooperativas de Galicia, comunica que en asemblea xeral extraordinaria da cooperativa, do 7 de outubro de 2017, se acordou a fusión, por absorción, da cooperativa coa cooperativa agraria Cume do Avia, Sociedade Cooperativa Galega, mediante a transformación desta en cooperativa de explotación comunitaria da terra. Resultou esta última a sociedade absorbente. O cambio de clase de cooperativa implica un cambio no obxecto social que consistirá na xestión dunha explotación vitícola en que se integran os dereitos de uso e aproveitamento de bens susceptibles de explotación agraria cedidos e a prestación de traballo persoal. A cooperativa resultante denominarase Cume do Avia, Sociedade Cooperativa Galega.
Os acredores terán o dereito a oporse nos termos establecidos no artigo 81 da mencionada Lei de cooperativas de Galicia.
Ribadavia, 9 de outubro de 2017
Diego Diéguez Collarte
Presidente