O Concello de Baleira convoca concurso-oposición para poder seleccionar dúas/dous auxiliares de axuda no fogar en réxime de persoal laboral a tempo completo na modalidade de contrato indefinido segundo bases aprobadas pola Xunta de Goberno Local na sesión ordinaria do 21 de setembro do 2017.
A convocatoria e as bases atópanse publicadas no Boletín Oficial da provincia de Lugo núm. 227, do 2 de outubro de 2017, no taboleiro de edictos do concello e na páxina web do concello www.concellobaleira.es.
O prazo de presentación de solicitudes, ás cales se deberá achegar a documentación prevista nas bases, será de vinte días naturais, contado desde o día seguinte ao da publicación do anuncio da convocatoria no Diario Oficial de Galicia.
Os sucesivos anuncios referentes a esta convocatoria, cando procedan de conformidade coas bases, faránse públicos, na forma prevista nestas, no taboleiro de edictos do concello e na páxina web www.concellobaleira.es.
Baleira, 2 de outubro de 2017
Ángel Enrique Martínez-Puga López
Alcalde