Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 237/2015 deste xulgado do social, seguido por instancia de Fundación Laboral de la Construcción contra Construcciones y Prefabricados Milladoiro, S.L., se ditou a seguinte resolución cuxa parte dispositiva se xunta:

«Que, estimando parcialmente a demanda interposta por Fundación Laboral de la Construcción contra Construcciones y Prefabricados Milladoiro, S.L., debo condenar e condeno a mercantil demandada a aboarlle á demandante a suma de 116,76 euros en concepto de achegas correspondentes ao período de xaneiro a decembro de 2011, ambos incluídos, incluída xa a recarga do 20 % de demora sobre o principal debido.

No que atangue á responsabilidade do Fogasa, deberase ater ao que resulte da aplicación do artigo 33 do Estatuto dos traballadores (ET).

Notifíqueselles ás partes esta resolución e fágaselles saber que contra ela non cabe recurso (artigo 191.2 da Lei reguladora da xurisdición social (LRXS)».

Para que lle sirva de notificación en legal forma a Construcciones y Prefabricados Milladoiro, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan decreto, auto ou sentenza, ou cando se trate de emprazamento.

Santiago de Compostela, 20 de setembro de 2017

A letrada da Administración de xustiza