Procedemento ordinario (PO) 75/2017

Sobre: ordinario

Demandante: Mateo Gil Rodríguez

Avogado: Juan Carlos Cabada Álvarez

Demandados: Conforocio Consultora, S.L.U., Fondo de Garantía Salarial

Avogados: (...), letrado de Fogasa

Eu, Alberto López Luengo, letrado da Administración de xustiza do Xulgado do Social número 4 de Pontevedra, fago saber que por resolución ditada no día da data no proceso seguido por instancia de Mateo Gil Rodríguez contra Conforocio Consultora, S.L.U., Fondo de Garantía Salarial, en reclamación por ordinario, rexistrado co número de procedemento ordinario 75/2017, se acordou, en cumprimento do que dispón o artigo 59 da LXS, citar a Conforocio Consultora, S.L.U., en ignorado paradoiro, co fin de que compareza o día 15 de marzo de 2018 ás 10.15 e 10.20 horas, na planta -1, sala 6, edificio da Audiencia, para a realización dos actos de conciliación e, de ser o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

En caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, poñerá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida este estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que lle sirva de citación a Conforocio Consultora, S.L.U., expídese a presente cédula para a súa publicación no Diario Oficial de Galicia e colocación no taboleiro de anuncios.

Pontevedra, 11 de setembro de 2017

O letrado da Administración de xustiza