En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que na oficina pública de depósito de estatutos das organizacións sindicais e empresariais se acordou depositar a modificación do domicilio social do Sindicato de Trabajadores Independientes de Comercio de la Comunidad Autónoma de Galicia (Fetico-Galicia), que pasa a ser na rúa Río Monelos, 20, 1º esquerda, 15006 A Coruña.

– Ámbito territorial: Comunidade Autónoma de Galicia.

– Ámbito profesional: poderanse afiliar os traballadores activos de grandes almacéns, hipermercados, comercio en xeral e hostalaría, servizos ou servizos de asistencia e hospedaxe e doutros sectores produtivos, así como os afiliados a todos os sindicatos integrados na federación estatal que operen na Comunidade Autónoma de Galicia.

Traballadores desempregados que se afiliaron ao sindicato estando en activo.

Xubilados ou incapacitados que estaban afiliados ao sindicato durante a súa vida activa como traballadores.

Asinante: Santiago Souto Souto (representante).

Santiago de Compostela, 4 de setembro de 2017

Covadonga Toca Carús
Secretaria xeral de Emprego