De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, cítase a Joaquín Carvalho Gaspar e a Raquel Figueiro Iglesias, por non ser posible a notificación a través do servizo de Correos, para que, en cumprimento da Resolución do Presidente de Portos de Galicia do 7 de xullo de 2017, que declara a caducidade da concesión administrativa de almacén para depósito de víveres e subministración á frota pesqueira e explotación de bar, comparezan no lugar da concesión o vindeiro día 10 de outubro de 2017 ás 11.00 horas, co obxecto de formalizar a acta de reversión e recuperación das instalacións da concesión.
No cumprimento do establecido no artigo 100 do Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante, lémbraselle que deberá de retirar fóra do espazo portuario todos os materiais, equipamentos ou utensilios que sexan da súa propiedade e que non revertan gratuitamente a Portos de Galicia, sen que as instalacións experimenten quebranto ningún, e que, no caso de incumprimento, a dita retirada efectuaraa Portos de Galicia de maneira subsidiaria e por conta dos notificados.
Santiago de Compostela, 12 de setembro de 2017
José Ignacio Villar García
Director de Portos de Galicia