DOG 176 do 15/09/2017 - RESOLUCIÓN do 11 de setembro de 2017 pola que se anuncia a corrección de erros no prego de cláusulas administrativas particulares publicado mediante a Resolución do 9 de agosto de 2017 pola que se convoca a contratación, polo procedemento aberto, da xestión de servizos públicos, na modalidade de concesión, dos servizos de atención diúrna terapéutica no centro de día, para persoas con alzhéimer e outras enfermedades neurodexenerativas, da Xunta de Galicia en Pontevedra. Tramitación documentalmente simplificada (expediente PA 36/2017).

VI. Anuncios

a) Administración autonómica

Consellería de Política Social

RESOLUCIÓN do 11 de setembro de 2017 pola que se anuncia a corrección de erros no prego de cláusulas administrativas particulares publicado mediante a Resolución do 9 de agosto de 2017 pola que se convoca a contratación, polo procedemento aberto, da xestión de servizos públicos, na modalidade de concesión, dos servizos de atención diúrna terapéutica no centro de día, para persoas con alzhéimer e outras enfermedades neurodexenerativas, da Xunta de Galicia en Pontevedra. Tramitación documentalmente simplificada (expediente PA 36/2017).

Advertido erro no prego de cláusulas administrativas para a referida contratación, publicada mediante Resolución do 9 de agosto de 2017 no Diario Oficial de Galicia núm. 166, do 1 de setembro, cómpre facer a seguinte corrección:

No anexo XIV, Persoal que hai que subrogar, é incorrecta a táboa que figura no PCAP publicado. Os datos correctos figuran revisados na páxina: http://www.contratosdegalicia.es/resultado.jsp?N=188992

Esta corrección afecta o prazo de presentación de proposicións recollido no punto 8 da dita resolución, que queda do seguinte xeito:

a) Data límite de presentación: o prazo de presentación de ofertas comezará o día seguinte ao da publicación deste anuncio de corrección de erros no Diario Oficial de Galicia e finalizará aos quince (15) días naturais, a non ser que o último día sexa inhábil, caso en que se prorrogará o prazo ao primeiro día hábil seguinte.

Santiago de Compostela, 11 de setembro de 2017

O conselleiro de Política Social
P.D. (Orde do 3.3.2016)
Francisco Javier Abad Pardo
Secretario xeral técnico da Consellería de Política Social