No uso das competencias atribuídas a esta xefatura territorial, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), intentada a notificación do acordo de inicio do procedemento de reintegro no último domicilio coñecido das persoas interesadas sen que esta se puidese practicar, notifícaselle á persoa citada no anexo para que, no prazo de dez (10) días, contados desde o seguinte ao da publicación desta cédula no Boletín Oficial del Estado, compareza persoalmente ou debidamente representada no Servizo de Emprego e Economía Social da Xefatura Territorial da Consellería de Economía, Emprego e Industria de Pontevedra; rúa Concepción Arenal, 8-2º en Vigo (das 9.00 ás 14.00 horas, de luns a venres) para ter coñecemento do contido daquel, advertíndoa de que, de non facelo así, se considerará notificada cos efectos que correspondan.
Así mesmo, fáiselle saber o dereito que a asiste para alegar o que máis conveña aos seus intereses, no prazo de quince días que comezará a contar a partir do día seguinte ao da publicación desta cédula no Boletín Oficial del Estado, ante a Xefatura Territorial da Consellería de Economía, Emprego e Industria.
Vigo, 6 de setembro de 2017
Ignacio Rial Santomé
Xefe territorial de Pontevedra
ANEXO
Número de expediente de reintegro: Reint. 2017/50.
Número de expediente en xestión: TR 348B 2011/1079-5.
Nome: Belpak Logistics, S.L.
CIF/NIF: B27728286.
Último enderezo coñecido: camiño Saa, 84, 36312 Vigo.
Norma reguladora: Orde do 21 de marzo de 2011 pola que se establecen as bases reguladoras do programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o ano 2011 (DOG núm. 61, do 28 de marzo).
Feito imputado: non manter no cadro de persoal as persoas traballadoras contratadas ao abeiro deste programa, por un período mínimo de tres anos.
Precepto infrinxido: incumprimento da base sétima, punto 1, do anexo B da mencionada Orde do 21 de marzo de 2011.
Contido do acto administrativo: acordo de inicio do procedemento de reintegro.
Data do acordo: 12.5.2017.