DOG 168 do 5/09/2017 - RESOLUCIÓN do 9 de agosto de 2017 pola que se anuncia a licitación da contratación, polo procedemento aberto unicriterio, tramitación ordinaria, documentalmente simplificado e non suxeito a regulación harmonizada, do contrato de obras consistente na mellora da eficiencia enerxética do edificio de vivendas protexidas situado na rúa José Cándido Ares, números 1-2-3, en Melide (A Coruña), cofinanciado polo Fondo Europeo de Desenvolvemento Rexional no marco do programa operativo Feder-Galicia 2014-2020 (expediente C-2016/REE 04).

VI. Anuncios

a) Administración autonómica

Instituto Galego da Vivenda e Solo

RESOLUCIÓN do 9 de agosto de 2017 pola que se anuncia a licitación da contratación, polo procedemento aberto unicriterio, tramitación ordinaria, documentalmente simplificado e non suxeito a regulación harmonizada, do contrato de obras consistente na mellora da eficiencia enerxética do edificio de vivendas protexidas situado na rúa José Cándido Ares, números 1-2-3, en Melide (A Coruña), cofinanciado polo Fondo Europeo de Desenvolvemento Rexional no marco do programa operativo Feder-Galicia 2014-2020 (expediente C-2016/REE 04).

1. Entidade adxudicadora.

Instituto Galego da Vivenda e Solo (IGVS).

2. Obxecto do contrato.

a) Descrición do obxecto: obras de illamento térmico polo exterior en edificación residencial para a mellora de eficiencia enerxética.

b) Prazo de execución: catro (4) meses contados desde a sinatura da acta de comprobación da implantación.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto, documentalmente simplificado.

c) Forma: unicriterio.

4. Orzamento base de licitación.

a) Importe neto: trescentos cincuenta e dous mil cincocentos trinta e catro euros con sesenta céntimos (352.534,60 €), IVE excluído.

b) IVE (21 %): setenta e catro mil trinta e dous euros con vinte e sete céntimos (74.032,27 €).

c) Importe total: catrocentos vinte e seis mil cincocentos sesenta e seis euros con oitenta e sete céntimos (426.566,87 €).

5. Garantías.

a) Provisional: non se exixe.

b) Definitiva: 5 % do importe de adxudicación (IVE excluído).

6. Requisitos específicos do contratista.

a) Clasificación: non se exixe.

b) Solvencia económica e financeira e técnica ou profesional: as establecidas no prego de cláusulas administrativas particulares (PCAP).

7. Obtención de documentación.

O PCAP e o prego de prescricións técnicas (PPT) polos que se deberá rexer a contratación poderanse recoller durante o prazo de presentación de proposicións no Servizo de Contratación nos servizos centrais do IGVS (polígono das Fontiñas. Área Central, s/n, Santiago de Compostela), e consultar na páxina da internet: http://www.contratosdegalicia.gal/resultado.jsp?N=189706 e tamén no perfil do contratante: http://igvs.xunta.gal/web/igvs/350.

8. Presentación das ofertas.

As proposicións, que se axustarán ao modelo que se inclúe no correspondente PCAP, presentaranse no Rexistro dos servizos centrais do IGVS, antes das 14.00 horas do vixésimo sexto (26º) día natural a partir do seguinte ao da publicación desta resolución no Diario Oficial de Galicia.

Cando a proposición se envíe por correo, o licitador deberá xustificar a data de imposición do envío na oficina de Correos e anunciarlle ao órgano de contratación a remisión da dita oferta mediante telegrama ou fax (981 54 16 00) no mesmo día.

9. Posibilidade de variantes.

Non se admiten.

10. Apertura das ofertas.

O acto público de apertura do sobre B (proposicións económicas e criterios avaliables mediante fórmulas) terá lugar nos servizos centrais do IGVS na data que será anunciada, con tres días hábiles de antelación ao da súa realización, no perfil do contratante.

11. Gasto do anuncio.

O importe dos anuncios será por conta do adxudicatario.

Santiago de Compostela, 9 de agosto de 2017

O director xeral do Instituto Galego da Vivenda e Solo
P.S. (Artigo 13.3 do Decreto 97/2014)
María de los Ángeles Domínguez Franjo
Secretaria xeral do Instituto Galego da Vivenda e Solo