En relación coa convocatoria publicada no DOG núm. 158, do 22 de agosto de 2017, pola que se publicou a contratación, mediante procedemento aberto con pluralidade de criterios, non suxeito a regulación harmonizada e documentalmente simplificado, para o servizo de redacción de proxecto e dirección da obra de construción dun centro de saúde integral do barrio da residencia de Lugo: centro de saúde mental, centro de saúde e PAC no antigo Hospital Materno-Infantil, acórdase que o prazo de presentación de proposicións se amplíe ata as 14.00 horas do día 18 de setembro de 2017.
Permanece inalterado o resto das cuestións detalladas no anuncio orixinario. Todo isto de conformidade co artigo 32 da Lei 39/2015, do 1 de outubro, de réxime xurídico das administracións públicas e do procedemento administrativo común.
Os pregos de cláusulas administrativas particulares atópanse dispoñibles na páxina web do Servizo Galego de Saúde www.sergas.es/contratación.
O que se fai público para coñecemento xeral e, en especial, das empresas interesadas.
Santiago de Compostela, 24 de agosto de 2017
María Jesús Piñeiro Bello
Directora xeral de Recursos Económicos