A Dirección de Augas de Galicia como órgano de contratación, ao abeiro da Resolución do 30 de xaneiro de 2012 de delegación de competencias ditada pola Presidencia da entidade e de acordo co establecido no Decreto 32/2012, do 12 de xaneiro, polo que se aproba o estatuto do ente público, contratou as seguintes actuacións:
1. Entidade adxudicadora.
Organismo: Augas de Galicia.
Dependencia que tramita o expediente: Contratación.
Enderezo da internet do perfil do contratante: http://www.contratosdegalicia.es/consultaOrganismo.jsp?N=216. Tamén se terá acceso ao perfil desde a plataforma de contratos públicos de Galicia a través de http://www.xunta.gal e desde a plataforma de contratación do sector público https://contrataciondelestado.es por medio de enlaces de interese ás plataformas de contratación das comunidades autónomas e na páxina web http://augasdegalicia.xunta.gal/.
Tipo de contrato: contrato administrativo de servizo.
Tramitación: ordinaria o expediente de clave OH.915.1126 e ordinaria da licitación e anticipada de gasto o expediente de clave OH.936.1120.
Procedemento: aberto con varios criterios de valoración e non suxeito a regulación harmonizada.
Valor estimado dos contratos: 99.385,78 euros o expediente de clave OH.915.1126 e 55.468,81 euros o expediente de clave OH.936.1120. Inclúen os orzamentos de licitación e das eventuais modificacións contractuais previstas.
Vantaxe da oferta do adxudicatario: proposición economicamente máis vantaxosa por obter a maior puntuación total con base na aplicación dos criterios de adxudicación establecidos no prego de cláusulas administrativas particulares, nos cales se inclúen as características que determinan a selección da súa oferta con preferencia ás dos restantes licitadores admitidos no procedemento de adxudicación correspondente.
2. Obxecto dos contratos: servizo.
a) Descrición: asistencia técnica á dirección facultativa de obra hidráulica na execución da optimización do funcionamento dos bombeos do Temple e A Pasaxe mediante a construción dun sifón na ría do Burgo, Oleiros (A Coruña).
Número de expediente: OH.915.1126.
CPV (referencia de nomenclatura): 71311100-2.
Medio e data de publicación da licitación: DOG núm. 46, do 7 de marzo de 2017.
Orzamento base de licitación. Importe neto: 87.676,97 euros. Importe total: 106.089,13 euros.
Data de adxudicación: 11 de xullo de 2017.
Importe de adxudicación. Importe neto: 60.176,30 euros. Importe total: 73.466,72 euros.
Data de formalización do contrato: 20 de xullo de 2017.
Contratista: Applus Norcontrol, S.L.
b) Descrición: asistencia técnica á dirección facultativa de obra hidráulica na execución da mellora da estación de bombeo de Lameira en Marín, Marín (Pontevedra).
Número de expediente: OH.936.1120.
CPV (referencia de nomenclatura): 71311100-2.
Medio e data de publicación de licitación: DOG núm. 20, do 30 de xaneiro de 2017.
Orzamento base de licitación. Importe neto: 50.259,93 euros. Importe total: 60.814,52 euros.
Data de adxudicación: 14 de xullo de 2017.
Importe de adxudicación. Importe neto: 35.222,16 euros. Importe total: 42.618,81 euros.
Data de formalización do contrato: 20 de xullo de 2017.
Contratista: Alfredo Teijeiro Rodríguez.
3. Cofinanciamento da Unión Europea.
As actuacións referidas no punto 2) anterior están cofinanciadas pola Unión Europea a través do Fondo Europeo de Desenvolvemento Rexional (Feder) nun 80 % no marco do programa operativo Feder Galicia 2014-2020. Enmárcanse dentro do programa operativo no obxectivo temático 6 «Conservar e protexer o ambiente e promover a eficiencia dos recursos»; prioridade de investimento 6.2 «O investimento no sector da auga para cumprir os requisitos do acervo da Unión en materia de ambiente e para abordar as necesidades, determinadas polos Estados membros, dun investimento que vai máis alá dos ditos requisitos»; obxectivo específico 6.2.1 «Culminar os requisitos da Directiva marco da auga a través do investimento en infraestruturas de saneamento, depuración e reutilización de augas residuais, e mellora da calidade da auga», actuación 6.2.1.2 (segundo o documento Criterios e procedementos de selección de operacións (CPSO) «Reforma e optimización dos sistemas de saneamento das rías galegas». Unha maneira de facer Europa.
4. Outras informacións.
A adxudicación dos citados contratos, en cumprimento do artigo 151 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, e conforme o disposto no prego de cláusulas administrativas particulares, foi debidamente notificada aos licitadores e publicada no perfil do contratante.
O que se fai público para os efectos previstos no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
Santiago de Compostela, 7 de agosto de 2017
A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roberto Rodríguez Martínez
Director de Augas de Galicia