A Xunta de Goberno da cidade de Santiago de Compostela, na sesión ordinaria que tivo lugar o día 2 de xuño de 2017, adoptou, entre outros, o seguinte acordo:

a) Aprobar inicialmente o estudo de detalle da parcela N4a01c do parque empresarial da Sionlla (SUNP-40), promovido por Terras do Sar, S.L., segundo o proxecto presentado o 14 de novembro de 2016, e coa condición de que, antes da exposición pública, se emenden as seguintes cuestións:

– No punto 2.1 da memoria substituirase a referencia ao artigo 73 da Lei 9/2002 polo 79 da Lei 2/2016, vixente desde o día 19 de marzo de 2016.

– Suprimirase a epígrafe 6 (desenvolvemento e execución do estudo de detalle).

A parcela emprázase na confluencia das rúas Andalucía e Castela e León, e no Catastro figura coa referencia 0101913NH4500A0000IH.

b) En aplicación do procedemento regulado polos artigos 80.2 da LSG e 194 do seu Regulamento, o estudo de detalle inicialmente aprobado someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e nun xornal dos de maior circulación na provincia. Simultaneamente, practicarase notificación individual aos titulares catastrais das parcelas afectadas.

Con data do 29 de xuño de 2017, a promotora presentou un documento de formalización do sinalado no acordo de aprobación inicial.

O que se publica co fin de que, durante o prazo dun mes, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará a dispor dos interesados no Servizo de Planeamento e Xestión do Concello de Santiago de Compostela (Pazo de Raxoi, 2º andar), de luns a venres, das 9.00 ás 14.00 horas; e na páxina web do Concello:

http://transparencia.santiagodecompostela.gal/plans-urbanismo-obras-publicas/gl.

Santiago de Compostela, 26 de xullo de 2017

O alcalde
P.D. (Decreto do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais