Para os efectos previstos no artigo 36 da Lei 21/2013, do 9 de decembro, de avaliación de impacto ambiental (BOE núm. 296, do 11 de decembro) e, así mesmo, no artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño), esta xefatura territorial
RESOLVE:
Someter a información pública, durante un prazo de trinta (30) días hábiles, contados desde o seguinte ao da publicación da presente resolución, o proxecto de explotación, o estudo de impacto ambiental e o plan de restauración da solicitude de pase a concesión de explotación directa por reclasificación do recurso da canteira que a continuación se describe:
Solicitante: Explotación y Canteras de Moucho, S.A.
Domicilio social: estrada A Coruña-Carballo, km 4,5, 15140 Arteixo, A Coruña.
Nome: Granitos del Noroeste.
Número: 7149.
Situación: Arteixo.
Cuadrículas mineiras: 4 (catro).
Recurso: granito para area.
A designación do terreo en coordenadas xeográficas é a seguinte:
|
Vértice |
ED 50 |
ETRS 89 |
||
|
Lonxitude (W) |
Latitude (N) |
Lonxitude (W) |
Latitude (N) |
|
|
1 |
8º 27’ 40’’ |
43º 20’ 00’’ |
8º 27’ 45,52’’ |
43º 19’ 55,9’’ |
|
2 |
8º 27’ 00’’ |
43º 20’ 00’’ |
8º 27’ 05,52’’ |
43º 19’ 55,9’’ |
|
3 |
8º 27’ 00’’ |
43º 19’ 20’’ |
8º 27’ 05,52’’ |
43º 19’ 15,9’’ |
|
4 |
8º 27’ 40’’ |
43º 19’ 20’’ |
8º 27’ 45,52’’ |
43º 19’ 15,9’’ |
Durante o prazo indicado, aquelas persoas ou entidades que se consideren afectadas polo citado proxecto poderán examinar o expediente nas dependencias do Servizo de Enerxía e Minas da Xefatura Territorial da Coruña e no portal da Consellería de Economía, Emprego e Industria:
http://ceei.xunta.gal/recursos/iniciativas
E formular as súas alegacións por escrito ante este órgano administrativo, con enderezo no Edificio Administrativo Monelos, s/n, rúa Vicente Ferrer, 2, 2º planta 15071 A Coruña, presentándoas en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.
Transcorrido o período de información pública, proseguirase coa tramitación da avaliación de impacto ambiental ordinaria, prevista na Lei 22/2013, do 9 de decembro, á que está sometido o presente proxecto, cuxa autorización compete, como órgano substantivo, á Consellería de Economía, Emprego e Industria ao amparo do establecido na Lei 3/2008, do 23 de maio.
A Coruña, 23 de xuño de 2017
Isidoro Martínez Arca
Xefe territorial da Coruña
