Con data do 28 de xuño de 2017, o instrutor do procedemento ditou proposta de resolución do expediente sancionador núm. 2017042AL-PO incoado na Xefatura Territorial da Consellería de Sanidade de Pontevedra a Disalsa Gestión, S.L., con CIF B94070281.

Logo de intentar a notificación deste acordo consonte ao artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido efectuarse, polo que mediante esta cédula notifícaselle a Disalsa Gestión, S.L., o contido do dito acordo, que figura no anexo, segundo o disposto no artigo 44 da dita lei, para que teña coñecemento del.

Así mesmo, fáiselle saber o dereito que lle asiste, ao abeiro do disposto no artigo 76 da Lei 39/2015, do 1 de outubro, do procedemento administrativo común das administracións públicas, para presentar alegacións ante esta xefatura territorial no prazo de 15 días hábiles, contado desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura, sita en Pontevedra, no Edificio Administrativo da Xunta de Galicia, rúa Fernández Ladreda, nº 43, 1º andar, e obter, se é o caso, copia del, segundo o previsto no artigo 53.1.a) da dita lei.

Notifícaselle tamén que, de non efectuar alegacións sobre o contido do dito acordo no citado prazo, o acordo de inicio poderá ser considerado proposta de resolución cando conteña un pronunciamento preciso acerca da responsabilidade imputada, consonte o artigo 64.2.f) da Lei 39/2015, do 1 de outubro.

Advírtese que antes da resolución do procedemento ten dereito ás reducións establecidas no artigo 85 da Lei 39/2015.

Esta cédula expídese para que conste e lle sirva de notificación ao interesado, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no taboleiro de edictos do Boletín Oficial del Estado.

Pontevedra, 20 de xullo de 2017

Ángeles Feijoo-Montenegro Fernández
Xefa territorial de Pontevedra

ANEXO

Número do expediente: 2017042AL-PO .

Denunciada: Disalsa Gestión, S.L. con CIF B94070281.

Último enderezo coñecido: polígono industrial de Sete Pías, parcela 86, do concello de Cambados.

Feito imputado: supostas infraccións en materia de seguridade alimentaria.

Preceptos presuntamente infrinxidos:

1. O primeiro feito que se lle imputa realizar a actividade de almacenamento de aceite sen estar inscrito no Rexistro Xeral Sanitario de Empresas Alimentarias e Alimentos, incumpre: artigos 2 e 5 do Real decreto 191/2011, do 18 de febreiro, sobre Rexistro Xeral Sanitario de Empresas Alimentarias e Alimentos (sobre empresas e establecementos alimentarios suxeitos a inscrición).

2. O segundo feito que se lle imputa, a falta de control na recepción e almacenamento de produtos alimenticios con deficiencias na trazabilidade e con datas de consumo preferente superadas, incumpre: artigos 17 e 18 do Regulamento (CE) 178/2002, do 28 de xaneiro, polo que se establecen os principios e os requirimentos xerais da lexislación alimentaria, se crea a Autoridade Europea de Seguridade Alimentaria e se fixan procedementos relativos á seguridade alimentaria (sobre a responsabilidade dos operadores de empresas alimentarias e trazabilidade) e artigo 5 do Regulamento (CE) nº 852/2004, do 29 de abril, relativo á hixiene dos produtos alimenticios.

Tipificación: dúas infraccións administrativas tipificadas unha como grave no artigo 51, punto 2, da Lei 17/2011, do 5 de xullo, de seguridade alimentaria e nutrición, e outra como leve no artigo 51, punto 1, da Lei 17/2011, do 5 de xullo, de seguridade alimentaria e nutrición.

Sanción proposta: sete mil un euros (7.001,00 €).