Auto da Sección Segunda da Sala do Contencioso-Administrativo do Tribunal Superior de Xustiza de Galicia, polo que se lle dá publicidade á parte dispositiva da sentenza 252/2017, do 18 de maio de 2017.

Visto pola Sección Segunda da Sala do Contencioso-Administrativo do Tribunal Superior de Xustiza de Galicia o procedemento ordinario 4557/2013 contra acordo do Pleno do Concello de Ourense do 7 de xuño de 2013 que aprobou definitivamente o estudo de detalle da área de intervención AI 10 do Decreto 187/2011 da Xunta de Galicia, do 29 de setembro, polo que se suspende parcialmente a vixencia do Plan xeral de ordenación urbana do Concello de Ourense e se aproba a ordenación urbanística provisional ata a entrada en vigor do novo planeamento, interposto por Xardín das Burgas, S.A., ditouse sentenza 252/2017, do 18 de maio, pola que se considera parcialmente o recurso contencioso-administrativo interposto.

Polo tanto, de conformidade co disposto no artigo 107 da Lei 29/1998, do 13 de xullo, reguladora da xurisdición contencioso-administrativa, e co fin de levar a puro e debido efecto a dita sentenza, resólvese dar publicidade á súa parte dispositiva, que a seguir se transcribe:

«Por todo o exposto, esta sala decidiu estimar o recurso contencioso-administrativo interposto en nome e representación de Xardín das Burgas, S.A. contra acordo do Pleno do Concello de Ourense, adoptado en sesión ordinaria do 7 de xuño de 2013 que aproba definitivamente o estudo de detalle da Área de Intervención AI 10 do Decreto 187/2011 que se anula e deixa sen efecto polas razóns indicadas.

Impóñense as custas do procedemento nos termos anteditos.

Contra esta sentenza cabe interpor, ben ante o Tribunal Supremo ben ante a correspondente sección desta sala, o recurso de casación previsto no artigo 86 da Lei xurisdicional, que se deberá preparar mediante escrito e presentar nesta sala no prazo de trinta días e cumprir os requisitos indicados no artigo 89.2 da dita lei».

Así mesmo, a Xunta de Goberno Local en sesión ordinaria do 8 de xuño de 2017 no punto 2 da orde do día acordou non recorrer contra a sentenza.

Ourense, 4 de xullo de 2017

Jesús Vázquez Abad
Alcalde presidente