Para os efectos previstos na Lei 24/2013, do 26 de decembro (BOE núm. 310, do 27 de decembro), do sector eléctrico, e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Unión Fenosa Distribución, S.A.
Domicilio social: A Batundeira, 2, Velle, Ourense.
Denominación: ampliación CT Gomeán (27C503).
Situación: concello do Corgo.
Características técnicas:
1. Aumento de potencia do centro de transformación Gomeán (27C503) situado nunha caseta non prefabricada de obra civil existente, substituíndo a máquina actual de 75 kVA por unha nova de 100 kVA e relación de transformación 20.000/400 V. Tamén se proxectan novos condutores para a conexión entre o transformador proxectado e o cadro de baixa tensión existente.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, núm. 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 10 de xullo de 2017
Pilar Fernández López
Xefa territorial de Lugo