O director xeral de Desenvolvemento Rural, con data do 27 de xuño, ditou a resolución que se transcribe a seguir:

«A concentración parcelaria da zona de Barbeiros-Vilamaior II (Ordes-A Coruña) foi declarada de utilidade pública e urxente execución polo Decreto 517, do 14 de novembro de 1990 (DOG do 26 de novembro).

O acordo foi aprobado pola Dirección Xeral de Estruturas e Infraestruturas Agrarias con data do 7 de agosto 2007 e notificado e publicado na forma legalmente prevista.

Con posterioridade a estes actos, o Concello de Ordes solicitou a cesión da titularidade dos predios para os fins que se indican a seguir:

– Predios nº 58-2, 175, 355, 628, 728, 799, 853, 882-2, 1029 e 1153 para carga e descarga de madeira.

– Predios nº 309, 217-2, 553, 640-2 e 989-1 para punto de captación de auga.

– Predios nº 405, 408 e 419-2 para áreas recreativas.

– Predios nº 1093 para parcela de prácticas agroforestais.

Vista a proposta da Xunta Local de Zona, a Lei de reforma e desenvolvemento agrario, do 12 de xaneiro de 1973; a disposición transitoria primeira da Lei 4/2015, do 17 de xuño, de mellora da estrutura territorial agraria de Galicia; a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro; a Lei 39/2015, do 1 de outubro, do procedemento administrativo común das administracións públicas, e demais disposicións vixentes de aplicación ao caso.

Á vista dos destinos para os cales se solicitan os referidos predios e respecto dos que son perfectamente subsumibles no suposto recollido no artigo 32 da antedita lei galega, esta dirección xeral

RESOLVE:

1. Modificar o acordo de concentración parcelaria da zona de Barbeiros-Vilamaior II (Ordes-A Coruña) e adxudicar ao Concello de Ordes a titularidade dos predios nº 58-2, 175, 217-2, 355, 405, 408, 553, 628, 640-2, 799, 882-2, 1029, 1093, 1153, 989-1, 419-2, 853-2 e nº 309-1, que causan baixa no fondo de terras da zona, para seren destinados aos fins que se recollen na parte expositiva da presente resolución.

2. O predio nº 309-1 de 1.500 m2, procede da segregación do primitivo predio nº 309, cuxa restante superficie (11.611 m2) permanece no fondo de terras da zona como predio nº 309-2.

3. Denegar a atribución do predio nº 728, dado que non pertence ao fondo de terras da zona ao ser adxudicada –no seu momento– a outro propietario.

4. Transcorridos cinco anos desde a cesión das propiedades sen que os predios fosen destinados aos fins para os cales son adxudicados, a titularidade dos referidos predios reverterá sobre o fondo de terras da zona, o patrimonio da Comunidade Autónoma, a Axencia Galega de Desenvolvemento Rural (Agader) ou outra entidade que corresponda, segundo o caso.

5. Ordenar que á presente resolución se lle dea a oportuna publicidade, sen prexuízo da súa notificación ao Concello de Ordes».

Contra esta resolución, que non pon fin á vía administrativa, poderase interpor recurso de alzada, ante a persoa titular da Consellería do Medio Rural, no prazo dun mes que se contará desde o día seguinte ao da publicación deste anuncio.

A Coruña, 11 de xullo de 2017

Manuel Rodríguez Vázquez
Xefe territorial da Coruña