Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro) e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción, e a declaración de utilidade pública, en concreto, da seguinte instalación eléctrica.

Denominación: LMT, CT e RBT Lence.

Solicitante: Unión Fenosa Distribución, S.A.

Domicilio social: A Batundeira, 2, Velle, 32960 Ourense.

Finalidade: mellorar a calidade da subministración eléctrica na zona.

Características técnicas principais:

1. Liña de media tensión a 20 kV cunha lonxitude de 1.158 m con orixe na celosía metálica nº 65-10 proxectada en substitución do apoio de formigón existente da mesma numeración, correspondente á liña de media tensión CRG804 (Sarria 4) procedente da subestación Corgo, no seu tramo entre os centros de transformación existentes Samprizón (27AK42) e Marei II (27A604), condutor tipo LA-56 e final no centro de transformación intemperie proxectado.

2. Centro de transformación 100/24/20 B2 intemperie, cunha potencia de 100 kVA e unha relación de transformación de 20.000/400 V.

3. Liña de baixa tensión aérea cunha lonxitude de 309 m, con orixe no centro de transformación proxectado, condutor tipo XZ1 e final na rede existente de baixa tensión.

A declaración de utilidade pública, segundo o sinalado no artigo 56 da citada Lei 24/2013 levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figura no anexo que se insire xunto con esta resolución.

Todas aquelas persoas ou entidades que se consideren afectadas poderán presentar as súas alegacións por duplicado nesta xefatura territorial (Edificio Administrativo da Xunta de Galicia en Lugo, rolda da Muralla 70) referidas ás posibles limitacións á constitución da servidume de paso de liñas eléctricas (artigo 161 do Real decreto 1955/2000) e aqueloutras que consideren oportunas, no prazo de vinte días hábiles contado desde o día seguinte ao da última publicación ou ao da notificación individual.

Durante este prazo poderase examinar o proxecto das instalacións nesta xefatura territorial, de luns a venres, das 9.00 ás 14.00 horas.

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados, segundo dispón o artigo 56.2 do Regulamento da Lei de expropiación forzosa (BOE núm. 160, do 20 de xuño de 1957).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, de 2 de outubro), cando os titulares dos predios propostos sexan descoñecidos, non se saiba o lugar de notificación ou ben, tentada a notificación, non se puidese realizar, e así dirixirlle ao Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 27 de xuño de 2017

Pilar Fernández López
Xefa territorial de Lugo

ANEXO

Relación de propietarios, bens e dereitos afectados

Expediente nº 002/17 AT.

Concello: O Corgo.

Provincia: Lugo.

LMT, CT e RBT Lence (O Corgo).

Ref. catastral			Lugar	Cultivo	Nome e apelidos	Enderezo	Apoio		Afeccións
Nº predio	Polg.	Parc.	Nº	m2	ml aér.	m2 aér.
1	123	105	Os Trolleiros	Prado	Jesús Gude Núñez Marei, nº 10, 27164 O Corgo, Lugo		0 (1/2)	1.0	1.0	12.0
2	123	106	Os Trolleiros	Prado	Julio Núñez Dacal Marei, nº 8, 27164 O Corgo, Lugo		0 (1/2)	1.0	79.0	777.0
5	123	35	Os Trolleiros	Prado	Hros. de Manuel Mera Villa Repr.: Darío Mera Castro Marei, nº 13, 27164 O Corgo, Lugo		2 (1/2)	1.0	43.0	422.0
7	123	31	Leiro Marei	Prado	José Luis Tomé Fouce Marei, s/n, 27164 O Corgo, Lugo				16.0	156.0
8	123	277	A Cortiña	Prado	Julia Prieto Montes Marei, s/n, 27164 O Corgo, Lugo				18.0	182.0
9	123	38	Prado Novo	Prado	Hros. de Román Prieto Repr.: Miguel Prieto Fouce Marei, s/n, 27164 O Corgo, Lugo		3	2.0	42.0	410.0
10	123	36	Prado Novo	Labor	Jesús Gude Núñez Marei, nº 10, 27164 O Corgo, Lugo					22.0
13	123	22	Prado Novo	Prado	José Luis Tomé Fouce Marei, s/n, 27164 O Corgo, Lugo				30.0	279.0
14	123	20	Prado Novo	Prado	José Luis Tomé Fouce Marei, s/n, 27164 O Corgo, Lugo					17.0
15	123	10	Prado Novo	Prado	Hros. de Manuel Mera Castro Repr.: Darío Mera Castro Marei, nº 13, 27164 O Corgo, Lugo		4	2.0	92.0	886.0
16	123	14	Prado Novo	Prado	Yolanda Rodríguez Sánchez Marei, s/n, 27164 O Corgo, Lugo					34.0
19	111	54	Sucuíñas	Prado	Julio Núñez Dacal Marei, nº 8, 27164 O Corgo, Lugo				39.0	392.0
20	111	52	Cortiñeiro	Prado	Lucía Fouce López R/ Valencia, nº 148-152, 4ª, 2º, 08011 Barcelona				35.0	351.0
21	111	55	Sucuíñas	Prado	Hros. de Manuel Mera Castro Repr.: Darío Mera Castro Marei, nº 13, 27164 O Corgo, Lugo				4.0	40.0
22	111	51	Bouza	Monte alto e prado	Julio Núñez Dacal Marei, nº 8, 27164 O Corgo, Lugo		5, 6 (1/2)	3.0	96.0	981.0
24	124	134	O Cazapal	Monte alto e prado	Manuela Díaz Folgueira Marei, s/n, 27164 O Corgo, Lugo				42.0	479.0
28	124	185	Leiro dos Chantos	Prado	Yolanda Rodríguez Sánchez Marei, s/n, 27164 O Corgo, Lugo		SXS	8.0
29	124	184	Cortiña da Taberna	Prado	José Chousa Jacob O Souto, Marei, nº 4, 27164 O Corgo, Lugo		SXS	8.0