Visto o expediente de cambio de titularidade da granxa mariña que Insuiña, S.L. ten no lugar de Ardia, O Grove (Pontevedra), resulta:
a) Antecedentes:
Primeiro. Mediante escrito do 30 de maio de 2017, Rafael Prieto Rodríguez (35284482K), en nome e representación de Insuiña, S.L. (B36021954), solicitou autorización para a transmisión da granxa mariña situada en Ardia, O Grove (Pontevedra).
Segundo. O interesado achegou a documentación requirida para a tramitación.
Terceiro. No expediente consta a seguinte documentación, referida ao resultado da información oficial.
Informes do 15 de febreiro de 2002 e do 31 de xullo de 2002, da Dirección Xeral de Costas do Ministerio de Medio Ambiente, sobre a concesión dunha superficie de 482,00 metros cadrados de bens de dominio público marítimo-terrestre.
Informe técnico-biolóxico favorable do biólogo da Xefatura Comarcal de Vilagarcía de Arousa do 56 de xullo de 2017.
b) Consideracións legais e técnicas:
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); coa Resolución do 5 de xuño de 2017, de delegación de sinatura en materia de acuicultura nas persoas titulares das xefaturas territoriais da Consellería do Mar. Así mesmo, o Decreto 168/2015, do 13 de novembro, polo que se aproba a estrutura orgánica da Consellería do Mar, dispón a creación das xefaturas territoriais.
Segunda. O expediente seguiu todos os trámites establecidos no procedemento administrativo común, coas especialidades previstas no Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre (DOG núm.110, do 9 de xuño).
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e demais normas de xeral e pertinente aplicación, esta consellería resolve:
Autorizar a transmisión inter vivos, a favor de Nueva Pescanova Biomarine Center, S.L. (B94151719), do permiso de actividade e concesión administrativa do establecemento que se indica a continuación:
Identificación:
Tipo: granxa mariña.
Nome: Insuiña, S.L.
Localización: Ardia, O Grove (Pontevedra).
Data de outorgamento do permiso de actividade: 24.4.1984 (DOG núm. 87, do 3 de maio).
Vixencia: 24.4.2024.
Superficie de dominio privado: 17.417,88 m2.
Superficie de dominio público marítimo-terrestre: 482,00 m2.
Actual titular: Insuiña, S.L. (B36021954).
Nova titular: Nueva Pescanova Biomarine Center, S.L. (B94151719).
Baixo as seguintes condicións:
Primeira. A actual titular deberá presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia compulsada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.
Terceira. A nova titular do permiso de actividade e da concesión queda subrogada nos dereitos e obrigas da anterior desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 10 de xullo de 2017
A conselleira do Mar
Por delegación de sinatura (Resolución do 5.6.2017)
Sonia Lorenzo Santos
Xefa territorial de Vigo