Cédula de notificación.
No procedemento de referencia ditouse a resolución do teor literal seguinte:
«Sentenza:
Ortigueira, 12 de xuño de 2017
Vistos por min, Diana Vales Laguna, xuíza titular do Xulgado de Primeira Instancia e Instrución número 1 de Ortigueira, os presentes autos de xuízo verbal de medidas paternofiliais rexistrados co número 243/2016, en que interviñeron, como demandante, Tamara López Bellón, asistida do letrado Jaime Luis Bouza López e representada pola procuradora Ana Isabel Fernández Álvarez, e como demandado, Aitor Nogueira Bautista, declarado en rebeldía procesual
Resolvo:
Que, estimando totalmente a demanda presentada pola procuradora Ana Isabel Fernández Álvarez, en nome e representación de Tamara López Bellón, se acorda a adopción das seguintes medidas persoais e patrimoniais para o fillo menor de idade:
1º. A patria potestade do fillo menor de idade será compartida por ambos os dous proxenitores.
2º. A garda e custodia do fillo menor de idade será exercida pola nai.
3º. O pai terá un réxime de visitas consistente en fins de semana alternas. O fillo menor de idade será recollido polo pai no domicilio da nai e pernoitará na casa da nai. O fillo menor de idade poderá pernoitar na casa do pai cando se afaga á presenza do pai e sexa maior. Para levar a efecto este réxime de visitas os proxenitores poranse de acordo para adecualas ás exixencias da actividade laboral do pai.
As vacacións estivais e de Nadal dividiranse por metades entre o pai e a nai, adecuándose ao calendario laboral do pai.
4º. O pai deberá aboar unha pensión de alimentos a favor do seu fillo menor de idade de 240 euros mensuais, que deberá ingresar nos cinco primeiros días de cada mes nunha conta aberta a nome do fillo menor de idade. Esta pensión actualizarase incrementándose na proporción en que o faga o IPC xeral publicado polo INE.
Os gastos extraordinarios pagaranos por metade ambos os dous proxenitores. Dentro deles inclúense os gastos médicos non cubertos polo sistema sanitario e as clases particulares ou de apoio que no futuro poida precisar o fillo menor de idade.
Non se fai expresa imposición de custas a ningunha das partes.
E como consecuencia do ignorado paradoiro de Aitor Nogueira Bautista, expídese este edicto para que lle sirva de cédula de notificación.
Ortigueira, 22 de xuño de 2017
A letrada da Administración de xustiza
