DOG 125 do 3/07/2017 - ANUNCIO do 9 de xuño de 2017, do Servizo de Mobilidade da Coruña, polo que se notifican as resolucións ditadas nos expedientes sancionadores en materia de transportes terrestres devoltas polo servizo de Correos porque, intentada a notificación, non se puido efectuar (expediente XC-00005-O-2017 e dous máis).

VI. Anuncios

a) Administración autonómica

Consellería de Infraestruturas e Vivenda

ANUNCIO do 9 de xuño de 2017, do Servizo de Mobilidade da Coruña, polo que se notifican as resolucións ditadas nos expedientes sancionadores en materia de transportes terrestres devoltas polo servizo de Correos porque, intentada a notificación, non se puido efectuar (expediente XC-00005-O-2017 e dous máis).

A persoa titular do Servizo de Mobilidade da Coruña ditou a resolución dos expedientes sancionadores número XC-00005-O-2017 e dous máis por infracción da normativa sobre transporte terrestre.

Intentada a notificación da resolución por correo certificado con xustificante de recibo no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.

Infórmasede que os expedientes sancionadores se atopan á súa disposición nas oficinas do Servizo de Mobilidade da Coruña.

Comunícase que contra a resolución sancionadora, que non é definitiva na vía administrativa, cabe recurso de alzada ante o director xeral de Mobilidade da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.

As sancións impostas foron aboadas anticipadamente cunha redución do seu importe conforme o previsto no artigo 146.3 da Lei 16/1987, do 30 de xullo, de ordenación dos transportes terrestres.

A Coruña, 9 de xuño de 2017

César Concheiro Ceide
Xefe do Servizo de Mobilidade da Coruña

ANEXO

Expediente Matrícula	Persoa sancionada DNI/CIF	Infracción cometida Data; hora; estrada; p.q.	Precepto cualificador	Precepto sancionador	Sanción imposta
XC-00005-O-2017 3419-JLW	Transportes García de la Fuente, S.A. A28227742	Exceso no tempo de condución bisemanal (90 horas). Máis de 90 horas ata 100 horas. 29.8.2016; 21.39; N-634; 709,5	Art. 142.17 LOTT	Art. 143.1.a) LOTT	100 euros
XC-00017-O-2017 6998-HZP	Gómez Sánchez, Javier 32767208M	Diminución do descanso diario, en condución en equipo (sobre 9 horas nun período de 30 horas). Igual ou superior a 8 horas e inferior a 9 horas. 8.9.2016; 7.33; N-634; 709,5	Art. 142.17 LOTT	Art. 143.1.a) LOTT	100 euros
XC-00309-O-2017 1726-HRK	Pescados Ernesto y María, S.L. B15917644	Non levar a bordo do vehículo o título habilitante ou a documentación formal que acredite a posibilidade legal de prestar o servizo. 23.11.2016; 10.00; N-550; 81,5	Art. 142.8 LOTT	Art. 143.1.b) LOTT	201 euros