Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 124 Venres, 30 de xuño de 2017 Páx. 32131

V. Administración de xustiza

Xulgado do Social número 4 de Pontevedra

EDICTO (602/2016).

DSP. Despedimento/cesamentos en xeral 602/2016

Procedemento de orixe: sobre despedimento

Demandante: José Manuel Lagares Rey

Avogada: Ana Belén García Martínez

Demandados: Fondo de Garantía Salarial, Fábrica de Muebles Hermanos Iglesias, S.L., Barnizados y Lacados Iglesias Puente, S.L., Nueva Línea Iglesias, S.L.

Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que no procedemento de despedimento/cesamentos en xeral 602/2016 deste xulgado do social, seguido por instancia de José Manuel Lagares Rey contra o Fondo de Garantía Salarial, Fábrica de Muebles Hermanos Iglesias, S.L., Barnizados y Lacados Iglesias Puente, S.L. e Nueva Línea Iglesias, S.L., sobre despedimento, se ditou a seguinte resolución cuxa parte dispositiva se xunta:

«Resolvo:

Estimo a demanda interposta por José Manuel Lagares Rey contra a empresa Fábrica de Muebles Hermanos Iglesias, S.L., Barnizados y Lacados Iglesias Puente, S.L. e contra Nueva Línea Iglesias, S.L., declaro improcedente o despedimento do traballador demandante e, en consecuencia, condeno conxunta e solidariamente as empresas demandadas a que o readmitan nas mesmas condicións que rexían antes de se producir o despedimento, co aboamento dos salarios deixados de percibir ou, á súa elección, a que lle aboen unha indemnización de 17.386,04 euros (salvo erro aritmético), sendo o salario regulador diario de 47,24 euros.

Con intervención do Fogasa.

A opción deberase exercer mediante escrito ou comparecencia na secretaría deste xulgado do social dentro do prazo de cinco días desde a notificación desta sentenza, en espera da súa firmeza. No suposto de non optar pola readmisión ou a indemnización, entenderase que procede a primeira.

Contra a presente resolución cabe interpor recurso de suplicación ante a Sala do Social do Tribunal Superior de Xustiza de Galicia, conforme establece o artigo 191 e seguintes da Lei reguladora da xurisdición social, que se deberá anunciar dentro dos cinco días seguintes ao da notificación desta sentenza. A recorrente deberá consignar, coa interposición do recurso e coas excepcións previstas no artigo 229 do texto citado, a suma de 300 euros na conta que este xulgado ten aberta na oficina principal de Banesto desta cidade, baixo a denominación “Depósitos e consignacións”, co número 5081, especificando a clave 65 ao tratarse dun recurso de suplicación.

Así mesmo, e coa excepción prevista no artigo 230 do texto mencionado, será indispensable acreditar, no momento do anuncio do recurso, ter consignado na conta anteriormente citada a cantidade obxecto de condena, ben que se pode asegurar a suma por medio de aval bancario, con responsabilidade do avalista.

Así o pronuncio, mando e asino por esta sentenza».

Para que sirva de notificación en legal forma a Fábrica de Muebles Hermanos Iglesias, S.L. e Barnizados y Lacados Iglesias Puente, S.L., en ignorado paradoiro, expido este edicto para a súa inserción no Diario Oficial de Galicia.

Advírteselles ás destinatarias que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

Pontevedra, 9 de xuño de 2017

A letrada da Administración de xustiza