Mediante Resolución do 30 de decembro de 2016 (DOG núm. 38, do 23 de febreiro de 2017), establecéronse as bases reguladoras para a concesión dunha bolsa de formación na Escola Galega do Consumo, dependente do Instituto Galego do Consumo e da Competencia, e procedeuse á súa convocatoria para o ano 2017.
Unha vez concluído o prazo de presentación de instancias e avaliadas as solicitudes presentadas de acordo cos criterios fixados no artigo 12 das bases reguladoras, a comisión de valoración elevou a persoa proposta para a concesión da bolsa e a lista de reserva para o caso de non aceptación ou renuncia da bolsa concedida.
O 9 de xuño de 2017 a directora do Instituto Galego do Consumo e da Competencia ditou unha resolución pola que se concedía a bolsa de formación na Escola Galega do Consumo a Andrea García Soage e se establecía a lista de persoas suplentes, por orde de prelación, para cubrir as vacantes que se poidan producir por non aceptación ou renuncia da bolsa concedida:
Orde |
Nº de expte. |
Solicitante |
1 |
IN117A/17/046 |
Guitián Astray, Anxela |
2 |
IN117A/17/008 |
Lorenzo Blanco, Beatriz |
3 |
IN117A/17/028 |
Hermida González, Lucía |
4 |
IN117A/17/022 |
López Gómez, Nahyr |
5 |
IN117A/17/036 |
Varela Pérez, Irene |
6 |
IN117A/17/032 |
Hermelo Jalda, Laura |
7 |
IN117A/17/015 |
Lampón Lampón, Ramona |
8 |
IN117A/17/017 |
Fernández Fernández, Yolanda |
9 |
IN117A/17/002 |
Córdido Méndez, Pamela |
O día 15 de xuño de 2017 Andrea García Soage, na súa condición de adxudicataria da bolsa de formación na Escola Galega do Consumo, manifestou a súa renuncia á bolsa, polo que se propón a súa adxudicación á candidata que figura en primeiro lugar na lista de persoas suplentes, Anxela Guitián Astray.
En virtude do anterior, e de conformidade co establecido no artigo 16.3 das bases reguladoras,
RESOLVO:
Primeiro. Aceptar a renuncia á bolsa de formación na Escola Galega do Consumo presentada por Andrea García Soage.
Segundo. Concederlle a bolsa de formación na Escola Galega do Consumo a Anxela Guitián Astray.
A bolsa estará dotada con 900 euros brutos por mes.
Terceiro. Dispoñer gastos mediante a expedición dos correspondentes documentos contables con cargo ás partidas orzamentarias 09.80.613A.480.0, «formación en materia de educación para o consumo responsable», e 09.80.613A.484.0, «cotas Seguridade Social bolseiros» dos orzamentos xerais da comunidade autónoma para o ano 2017, e que se destinarán ao pagamento da persoa bolseira e das custas da Seguridade Social.
A contía da bolsa calcúlase desde a data de incorporación da persoa beneficiaria ata o 31 de decembro de 2017.
Cuarto. A persoa beneficiaria deberá comunicar a súa aceptación ou renuncia no prazo máximo de cinco días hábiles contados desde o seguinte ao da notificación desta resolución.
Logo de transcorrer o dito prazo, se a persoa beneficiaria non se declarase en ningún sentido, entenderase que acepta a bolsa.
Así mesmo, no caso de que a persoa beneficiaria non acepte a bolsa ou non poida incorporarse por calquera outro motivo, poderá ser substituída polas persoas que figuran na lista de reserva en función da súa puntuación.
Quinto. A persoa beneficiaria da bolsa terá as obrigas establecidas no artigo 20 das bases reguladoras, «Obrigas da persoa beneficiaria».
Contra esta resolución, que pon fin á vía administrativa, cabe interpoñer recurso potestativo de reposición ante o órgano que a ditou, no prazo dun mes contado desde o día seguinte ao da súa publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses que se contarán desde a mesma data. En todo caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.
Notifíquese esta resolución ás persoas interesadas.
Santiago de Compostela, 16 de xuño de 2017
Sol Mª Vázquez Abeal
Directora do Instituto Galego do Consumo e da Competencia