Raquel Blando Pérez, letrada da Administración de xustiza do Xulgado de Primeira Instancia número 6 de Ourense, fai saber que no presente procedemento foi ditada a resolución do teor literal seguinte:
«Seguen antecedentes de feito e fundamentos de dereito.
Decido:
Acordar que se adopten as seguintes medidas reguladores da garda e custodia do menor I. F. B., así como a súa pensión de alimentos:
1. Atribúese a garda e custodia do menor á nai Cristina.
2. Atribúese o exercicio exclusivo da patria potestade á nai Cristina.
3. Suspéndese o réxime de visitas.
4. En concepto de alimentos a favor da filla común establécese a obriga do pai de aboar, dentro dos cinco días hábiles de cada mes e na conta que designe a demandante, a suma de 100 euros que serán anualmente actualizados en función das variacións que experimente o IPC ou índice que o substitúa na data de 1 de xaneiro. Así mesmo, establécese a obriga de aboar o 50 % dos gastos de material escolar que se xeran anualmente no mes de setembro e o 50 % de os gastos extraordinarios, diferenciando entre os necesarios (aqueles sanitarios e farmacéuticos non cubertos pola Seguridade Social) e os non necesarios, sendo necesario o previo consentimento para estes últimos e non para os primeiros. Entenderase prestada a súa conformidade se, requirido un proxenitor polo outro, de forma fidedigna, é dicir, que conste sen dúbida a recepción do requirimento, se deixar transcorrer o prazo de dez días hábiles sen facer manifestación ningunha. No requirimento que se realice, o proxenitor que pretenda facer o gasto deberá detallar o gasto concreto que precise o fillo, e achegar orzamento en que figure o nome do profesional que o expida.
Non se impoñen as custas do presente procedemento a ningunha das partes.
Notifíquese esta resolución ás partes e ao Ministerio Fiscal.
Esta sentenza non é firme. Conforme o disposto no artigo 208.4 da LAC, indícase que contra a presente resolución cabe interpor, no prazo de 20 días desde a notificación, recurso de apelación (arts. 457 e ss. da LAC) ante este tribunal.
Lévese o orixinal ao libro de sentenzas deixando testemuño suficiente en autos.
Así o acorda, manda e asina S.Sª. Dou fe».
E como consecuencia do ignorado paradoiro do demandado Jonathan Fernández Díaz, expídese este edicto para que lle sirva de notificación en forma.
Ourense, 5 de xuño de 2017
A letrada da Administración de xustiza