Nicolás E. Pita Lloveres, maxistrado do Xulgado do Social número 4 da Coruña, vendo os presentes autos seguidos neste xulgado co número 199/2017, sendo parte nel, dun lado, como demandante, Isidro Pena López, asistido polo letrado Sr. Martínez Ramonde, e doutro, como demandada, a empresa Miquel Vázquez Penas, que non comparece, con intervención do Fondo de Garantía Salarial, que igualmente deixa de comparecer, sobre despedimento, pronunciou en nome do rei a seguinte sentenza:
«Decisión.
Estímase a demanda formulada por Isidro Pena López fronte á empresa Miquel Vázquez Penas, con intervención do Fondo de Garantía Salarial e, en consecuencia:
– Declárase improcedente o despedimento efectuado pola demandada Miquel Vázquez Penas ao demandante Isidro Pena López.
– Condénase a Miquel Vázquez Penas a que no prazo de cinco días desde a notificación da sentenza opte entre a readmisión do demandante ou o aboamento dunha indemnización de 354,64 euros. O aboamento da dita indemnización determina a extinción do contrato de traballo; no caso de optar pola readmisión deberá aboar os salarios de tramitación a razón de 62,04 euros diarios.
– Condénase a Miquel Vázquez Penas a aboarlle a Isidro Pena López a cantidade de catrocentos vinte e tres euros con oitenta e cinco céntimos de euro (423,85 euros).
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución. Bastará a manifestación da parte ou do seu avogado, graduado social ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso consignar a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e firma Nicolás E. Pita Lloveres, maxistrado do Xulgado do Social número 4 da Coruña».
A Coruña, 9 de maio de 2016
