Nicolás E. Pita Lloveres, maxistrado xuíz do Xulgado do Social número 4 da Coruña, tendo visto os presentes autos seguidos neste xulgado co nº 729/2014, nos cales son parte, dun lado, como demandante, José María Golpe Pérez, asistido polo letrado Sr. Naveira Couceiro e, doutro, como demandada, a empresa Gallega de Representaciones, Servicios y Asesoría, S.L., que non comparece, con intervención do Fondo de Garantía Salarial, que tampouco comparece, sobre reclamación de cantidade, pronunciou en nome do rei, a seguinte sentenza:
«Decido estímar a demanda formulada por José María Golpe Pérez contra Gallega de Representaciones, Servicios y Asesoría, S.L., con intervención do Fondo de Garantía Salarial e, en consecuencia:
– Condénase a empresa Gallega de Representaciones, Servicios y Asesoría, S.L. a aboar a José María Golpe Pérez a cantidade de cinco mil corenta e tres euros con oito céntimos de euro (5.043,08).
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar neste xulgado no prazo dos cinco días seguintes á notificación desta resolución, para o cal basta a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, consignar a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
A Coruña, 3 de maio de 2017