Obxecto do contrato: alleamento da parcela municipal PR-4 do proxecto de compensación SUNP-4 Camiño Francés con destino á construción de vivenda de protección autonómica de réxime concertado.

Referencia do expediente: CON/19/2017.

Tipo de licitación: o prezo de venda da parcela (sen IVE) é de 788.903,46 euros. O IVE ascende a 165.669,73 euros, polo que o prezo resultante é de 954.573,19 euros. Este prezo é o único posible e preceptivo, sen que sexa admisible licitación á alza ou á baixa, polo que quedarán rexeitadas automaticamente as ofertas económicas que o melloren ou minoren.

Adxudicación: procedemento aberto.

Proposicións: os licitadores poderán presentar proposicións no Rexistro Xeral do Concello de Santiago de Compostela (r/ Presidente Salvador Allende, nº 4, CP 15705 Santiago), das 9.00 ás 14.00 horas, dentro do prazo de 45 días naturais, contados desde o día seguinte á data de publicación deste anuncio no Boletín Oficial da provincia da Coruña.

Documentación/información:

Perfil municipal de contratante: www.santiagodecompostela.gal

Criterios de adxudicación: son os sinalados no artigo 12.II) do prego de cláusulas administrativas.

a) Criterios sociais:

Incorporación de persoas desempregadas (até 25 puntos). Avaliarase o compromiso de reservar no proceso edificatorio posterior postos de traballo para colectivos desfavorecidos, con dificultades de acceso ao mundo laboral ou con risco de exclusión social. Para estes efectos terán a dita consideración:

• Persoas desempregadas de longa duración.

• Persoas maiores de 55.

• Perceptores de renda mínima de inserción.

• Mozos e mozas maiores de 18 anos que sexa o seu primeiro traballo.

• Mulleres vítimas da violencia de xénero.

Para avaliar esta epígrafe teranse en conta os seguintes aspectos:

Número e porcentaxe de persoas anteriormente mencionadas en situación de desemprego que o licitador se compromete a contratar nos casos de novas contratacións, baixas e substitucións para a execución de vivenda de protección pública na parcela que adquire.

Valorarase ata 25 puntos o licitador que se comprometa a empregar para a execución edificatoria posterior, nos supostos de novas contratacións, baixas ou substitucións, unha porcentaxe superior ao 5 % de persoas desempregadas inscritas nas oficinas de emprego. Priorizarase na súa contratación os pertencentes a colectivos desfavorecidos, con dificultades de acceso ao mundo laboral ou con risco de exclusión social.

Outorgarase maior puntuación ao licitador que ofertase a maior porcentaxe por riba do mínimo establecido no criterio de adxudicación. O resto das ofertas valorarase de forma proporcional coa seguinte fórmula:

P=Po/PoM x puntuación máxima.

Resultando P (puntuación obtida pola entidade licitadora= Po Porcentaxe superior ao mínimo/Porcentaxe superior ao mínimo contida na mellor oferta das licitadoras x puntuación máxima.

Estabilidade no emprego, avaliarase ata 25 puntos o compromiso relativo aos postos de traballo no posterior proceso edificatorio da parcela que se adquire que deberá cumprir e acreditar para as novas contratacións, baixas o substitucións, que a lo menos o 30 % é indefinida.

b) Criterios ambientais, avaliaranse ata 10 puntos as propostas que se comprometan a utilizar a tecnoloxía relativa ás características enerxéticas do edificio: envolvente térmica, instalacións térmicas e de iluminación, condicións normais de funcionamento e ocupación, condicións de confort térmico, lumínico, calidade do aire interior e demáis datos utilizados para obter a cualificación de eficiencia enerxética do edificio e valorarase a razón de 5 puntos o compromiso de obter o certificado de eficiencia enerxética A regulado no Real decreto 235/2013, de 5 de abril; os outros 5 puntos restantes valoraranse en atención á tecnoloxía utilizada relativa ás características enerxéticas do edificio sinalada.

c) Criterios económicos:

Redución do prazo de pagamento correspondente ao segundo ou terceiro prazo (ata 20 puntos), valorándose a razón de dous puntos por cada mes de redución do prazo, sen que poida reducirse máis o pagamento do terceiro prazo que o primeiro.

Destino a alugamento (ata 20 puntos). Para avaliar esta epígrafe teranse en conta os seguintes aspectos:

1. Maior número de vivendas que se dedicarán a alugamento: 4 puntos. Outorgarase a puntuación máxima de 4 puntos á proposta que inclúa un maior número de vivendas en réxime de alugamento valorándose as restantes de xeito proporcional.

2. Menor renda máxima anual: 4 puntos. Outorgarase a puntuación máxima de 4 puntos á proposta de menor renda máxima anual, as restantes valoraranse de xeito proporcional.

3. Maior prazo de vinculación das vivendas en réxime de alugamento: 4 puntos. Outorgarase a puntuación máxima de 4 puntos á proposta de maior prazo de vinculación das vivendas en réxime de alugamento valorándose as restantes de xeito proporcional

4. Posibilidade de opción de compra a favor do arrendatario: 4 puntos. Outorgarase a puntuación de 4 puntos ás propostas que inclúan a posibilidade de opción de compra a favor do arrendatario.

5. Menor prezo final de alleamento a favor do arrendatario: 4 puntos. Outorgarase a puntuación máxima de 4 puntos á proposta de menor prezo final de alleamento a favor do arrendatario, as restantes valoraranse de xeito proporcional.

Os parámetros de referencia son os establecidos pola normativa vixente en materia de vivenda protexida.

Garantía provisional: 3 % do prezo de licitación.

Garantía definitiva: 5 % do importe de adxudicación.

Apertura de plicas: as datas de apertura dos sobres que conteñen os diferentes criterios de adxudicación que se van a valorar nesta licitación, que terán lugar en acto público no Departamento de Contratación (r/ Presidente Salvador Allende, nº 6-8), anunciaranse previamente no perfil do contratante do órgano de contratación nos termos sinalados no prego de cláusulas administrativas.

Gastos de anuncios: o gasto derivado das publicacións desta licitación será por conta do adxudicatario.

Santiago de Compostela, 3 de maio de 2017

Martiño Noriega Sánchez
Alcalde