A Deputación da Coruña solicitou, despois da tramitación do oportuno expediente ao abeiro do disposto no art. 9 do Real decreto 1732/1994, do 29 de xullo, e o artigo 10 do Decreto 49/2009, do 26 de febreiro, á Dirección Xeral de Administración Local a supresión dun posto, reservado a funcionarios de Administración local con habilitación de carácter nacional nos seguintes termos:
Entidade local: Deputación da Coruña.
Posto: SAT xefe do servizo orzamentos, estudos e asistencia económica.
Subescala: intervención-tesouraría.
Categoría: superior.
Forma de provisión: libre designación.
Así como a clasificación de posto reservado a funcionarios de Administración local con habilitación de carácter nacional nos seguintes termos:
Entidade local: Deputación da Coruña.
Posto: interventor adxunto.
Subescala: intervención-tesouraría.
Categoría: superior.
Forma provisión: concurso.
O xefe de servizo de Réxime Xurídico e Xestión de Funcionarios con Habilitación Nacional, tendo en conta a normativa aplicable (Real decreto 1732/1994, do 29 de xullo, en virtude do mandato recollido na DT VII da Lei 27/2013, do 27 de decembro, así como polo Decreto 49/2009, do 26 de febreiro, sobre exercicio de competencias da Comunidade Autónoma de Galicia respecto dos funcionarios con habilitación de carácter nacional), despois do exame, do expediente emitiu o correspondente informe proposta (no cal levou a cabo a análise do réxime xurídico aplicable, competencia, requisitos para a concesión e condicións) que conta co visto e prace da subdirectora de Réxime Xurídico Local, favorable á supresión e á clasificación solicitadas.
Con base no informe proposta sinalado e tendo en conta as competencias conferidas polo artigo 15.e) da Lei 2/2015, do 29 de abril, de emprego público de Galicia, e artigo 1.6 da Orde do 14 maio do 2013, sobre delegación de competencias (DOG nº 92, do 15 de maio)
RESOLVO:
Primeiro. Suprimir o posto reservado a funcionarios con habilitación nacional nos seguintes termos:
Entidade local: Deputación da Coruña.
Posto: SAT xefe de servizo de orzamentos, estudos e asistencia económica.
Subescala: intervención-tesouraría.
Categoría: superior.
Forma de provisión: libre designación.
Segundo. Clasificar o posto reservado a funcionarios con habilitación nacional nos seguintes termos:
Entidade local: Deputación da Coruña.
Posto: interventor adxunto.
Subescala: intervención-tesouraría.
Categoría: superior.
Forma de provisión: concurso.
Terceiro. Publicar esta resolución no DOG e no BOE, así como remitir a publicación á Dirección Xeral de Función Pública.
Cuarto. A presente resolución, que pon fin á vía administrativa, poderá impugnarse directamente ante a xurisdición contencioso-administrativa no prazo de dous meses contados desde o día seguinte ao da publicación, segundo a Lei 29/1998, do 13 de xullo reguladora da xurisdición contencioso-administrativa. Poderá tamén potestativamente interpoñerse recurso de reposición ante a Vicepresidencia e Consellería de Presidencia, AAPP e Xustiza no prazo dun mes contado desde a mesma data, nos termos dos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela a 29 de maio de 2017
Marta Fernández-Tapias Nuñez
Directora xeral de Administración Local