Primeiro. Con data do 23.12.2016 a empresa Norvento Energía Distribuida, S.L. presentou ante esta dirección xeral solicitude de autorización administrativa previa e aprobación do estudo de impacto ambiental do parque eólico experimental NED (2 MW) e a súa liña eléctrica de evacuación de media tensión (20 kV).
Segundo. Con data do 24.1.2017 a empresa Norvento Energía Distribuida, S.L. solicitou ante esta dirección xeral o recoñecemento de parque eólico experimental con alto compoñente en I+D+i para o parque eólico experimental NED (2 MW).
Terceiro. Con data do 22.2.2017 a Dirección Xeral de Enerxía e Minas emitiu resolución pola que se recoñece a condición de parque eólico experimental con alto compoñente en I+D+i ao parque eólico experimental NED (2 MW).
Cuarto. En cumprimento do disposto no Decreto 30/2011, do 17 de febreiro, polo que se establece o procedemento para a autorización de parques eólicos experimentais con alto compoñente de I+D+i na Comunidade Autónoma de Galicia, na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o fondo de compensación ambiental, na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e tendo en conta o establecido na Lei 21/2013, do 9 de decembro, de avaliación ambiental, sométese a información pública a solicitude de autorización administrativa previa e a aprobación do estudo de impacto ambiental, formulada por Norvento Energía Distribuida, S.L. e recollida no punto primeiro desta resolución, para as instalacións que a seguir se describen:
Peticionaria: Norvento Energía Distribuida, S.L.
Enderezo social: rúa Aller Ulloa, Ramón María nº 23, 27003 Lugo.
Situación: Concello da Pastoriza (Lugo).
Área de desenvolvemento eólico (ADE): I-2-6 (A Pastoriza).
Poligonal de delimitación do parque (datum ETRS89, fuso 29):
Vértice |
UTM-X |
UTM-Y |
1 |
628.250 |
4.798.500 |
2 |
629.090 |
4.798.500 |
3 |
629.090 |
4.798.970 |
4 |
629.680 |
4.798.970 |
5 |
629.680 |
4.799.900 |
6 |
628.250 |
4.799.900 |
Posicións dos aeroxeradores (datum ETRS89, fuso 29):
Nº aero |
UTM-X |
UTM-Y |
NED01 |
628.703 |
4.799.332 |
NED02 |
628.833 |
4.799.255 |
NED03 |
628.902 |
4.799.131 |
NED04 |
629.059 |
4.799.138 |
NED05 |
628.515 |
4.799.471 |
Posicións das torres meteorolóxicas (datum ETRS89, fuso 29):
Nº torre |
UTM-X |
UTM-Y |
TM_01 |
628.765 |
4.799.301 |
TM_02 |
628.986 |
4.799.033 |
TM_03 |
628.593 |
4.799.380 |
Potencia nominal máxima que se vai instalar: 2 MW.
Produción: 4.900 MWh/ano.
Horas equivalentes: 2.450 heq.
Orzamento de execución material: 2.103.349,16 €.
Orzamento de execución por contrata: 2.502.985,50 €.
As características técnicas principais das instalacións de xeración, transformación e interconexión do parque eólico experimental NED e da súa liña eléctrica de evacuación son as seguintes:
– Parque eólico experimental NED (2 MW).
• 5 aeroxeradores Norvento Energía Distribuida (NED) de entre 100 kW e 700 kW de potencia nominal unitaria, cunha altura de buxa de ata 60 metros e cun diámetro de rotor de ata 60 metros.
• Rede colectora en baixa tensión con condutor tipo Al XZ1 0,6/1 kV e en media tensión mediante condutor tipo Al RHZ1 2OL 12/20 kV.
• Centro de interconexión con instalación en baixa e en media tensión, cun transformador trifásico de illamento seco, potencia máxima de 800 kVA e relación de transformación 20/0,4 kV, e cos correspondentes equipamentos de control, comunicacións, servizos auxiliares, medida e protección.
• 3 torres meteorolóxicas.
– Liña eléctrica de evacuación de media tensión (20 kV).
• Liña eléctrica de evacuación de 20 kV de tensión e 3.568 m de lonxitude total, ata o punto de interconexión coa rede de distribución eléctrica, dividida en:
* Un primeiro tramo subterráneo de simple circuíto con orixe no centro de interconexión do P.E. experimental NED e final no primeiro apoio de paso aéreo a subterráneo (P.A.S.). A lonxitude deste tramo será de 240 m e empregarase cable RHZ1 2OL 12/20 kV tendido baixo tubo.
* Un segundo tramo aéreo de simple circuíto desde o primeiro apoio P.A.S. ata o último apoio 17 P.A.S, de 3.088 metros, executado mediante apoios metálicos de celosía monobloque cun condutor por fase tipo LA-56 e illadores de vidro temperado U-70-BS. A configuración dos brazos dos apoios será en disposición triangular e permitirá o tendido dun cable de fibra óptica tipo AUT NKF 8-16.
* Un terceiro tramo subterráneo de simple circuíto desde o apoio 17 P.A.S. ata o punto de conexión, de 240 m de lonxitude, con cable RHZ1 2OL 12/20 kV tendido baixo tubo.
• Centro de repartición para o reforzo da rede de distribución e permitir a conexión á rede de distribución no punto de conexión, formado por celas prefabricadas de 20 kV illadas en SF6 con In=400A e Icc=16kA, os relés de protección e control asociados.
Constitúen o obxecto da información pública os seguintes documentos:
• Anteproxecto das instalacións descritas.
• Estudo de impacto ambiental.
O que se fai público para coñecemento xeral e para que os interesados poidan examinar o anteproxecto e presentar as obxeccións ou alegacións que consideren oportunas na Dirección Xeral de Enerxía e Minas (Edificio Administrativo San Caetano, s/n, bloque 5-4º andar, 15781 Santiago de Compostela), na Xefatura Territorial da Consellería de Economía, Emprego e Industria de Lugo (rolda da Muralla, 70, 27071 Lugo), e no Concello da Pastoriza (Lugo), no prazo de 30 días contados a partir da última publicación desta resolución.
Para idénticos efectos, e durante o mesmo prazo, o estudo de impacto ambiental poderá ser examinado nas dependencias da Dirección Xeral de Calidade Ambiental e Cambio Climático (San Lázaro, s/n, 15781 Santiago de Compostela), nas xefaturas territoriais das consellerías de Medio Ambiente e Ordenación do Territorio, e Economía, Emprego e Industria de Lugo (rolda da Muralla, 70, 27071 Lugo), e nas dependencias do Concello da Pastoriza (Lugo).
Esta publicación realízase igualmente para os efectos determinados polos artigos 44 e 45 da Lei 39/2015, do 1 de outubro, do procedemento administrativo común das administracións públicas, cando os interesados sexan descoñecidos, non se saiba o lugar ou o medio de notificación, ou ben cando, intentada a notificación, non se puido realizar.
Santiago de Compostela, 6 de abril de 2017
Ángel Bernardo Tahoces
Director xeral de Enerxía e Minas