De acordo cos artigos 76 e 77 da Lei 2/2017, do 8 de febreiro, de medidas fiscais, administrativas e de ordenación, a Dirección Xeral de Mobilidade elaborou corenta e dous anteproxectos de explotación de servizos públicos de transporte regular de viaxeiros de uso xeral por estrada, que serán obxecto de adxudicación polo procedemento de adxudicación directa que regulan as devanditas normas.

Xa que logo, acórdase someter a información pública durante dez días naturais, que se contarán a partir do día seguinte ao da publicación desta resolución no Diario Oficial de Galicia, os corenta e dous anteproxectos de explotación de servizos de transporte que se indican no anexo.

Durante o dito prazo os anteproxectos obxecto de información pública estarán dispoñibles para calquera interesado na páxina web da Dirección Xeral de Mobilidade, e as empresas e demais interesados en xeral poderán formular as alegacións que consideren en relación co contido do anteproxecto.

Igualmente, as empresas con capacidade para a súa prestación poderán propoñerse para ser invitadas para a presentación de ofertas nos termos do artigo 77 da Lei 2/2017, do 8 de febreiro.

As ditas alegacións e os ofrecementos para a remisión de invitacións para formular oferta, serán presentadas a través do enderezo de correo electrónico transportepublico@xunta.gal, ou remitilas á Dirección Xeral de Mobilidade consonte co previsto no artigo 16 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 29 de maio de 2017

Ignacio Maestro Saavedra
Director xeral de Mobilidade

ANEXO

Código anteproxecto	Denominación
XG500	O Carballiño
XG501	Baixa Limia
XG502	Eixo de Laza
XG503	Terra de Celanova
XG504	O Ribeiro
XG505	Ourense
XG510	Viana
XG511	A Limia
XG512	Valdeorras
XG513	Trives-Caldelas
XG514	Verín
XG515	Allariz
XG520	A Estrada-Pontecesures, con anexos
XG521	Salvaterra de Miño-Vigo, con anexos
XG522	A Cañiza-Vigo, con anexos
XG523	Lugo-Ourense-Vigo, con anexos
XG524	Soutomaior con Pontevedra e Vigo, con anexos
XG525	Pontevedra-Bueu-Cangas-Vigo, con anexos
XG526	O Grove-Pontevedra, con anexos
XG527	O Grove-Vilagarcía de Arousa, con anexos
XG528	Marín-Pontevedra, con anexos
XG529	A Coruña-Canzobre
XG530	Boiro-Noia, con anexos
XG531	Santiago-Ortoño, con anexos
XG532	Carballo-Tablilla, con anexos
XG533	Viveiro-Ribadeo, con anexos
XG534	Lugo-Fonsagrada, con anexos
XG535	A Coruña-Lugo-A Mariña, con anexos
XG536	Lugo Noroeste e Terra Chá, con anexos
XG537	Lugo-Sarria, con anexos
XG538	Meira-Lugo, con anexos
XG539	Betanzos-Monfero, con anexos
XG540	Cedeira-Ferrol, con anexos
XG541	Ferrol-A Capela, con anexos
XG542	Ferrol-Mandiá-A Graña, con anexos
XG543	Dozón-Lalín, con anexos
XG544	O Barco de Valdeorras-Ourense, con anexos
XG545	Castro Caldelas-Monforte de Lemos, con anexos
XG546	Sobrado-Vila de Cruces, con anexos
XG547	Sarria-Pedrafita, con anexos
XG548	Lalín-Monforte-Lugo, con anexos
XG549	Chantada-Carballedo, con anexos