Obxecto do contrato: alleamento da participación municipal do 59,948 % na parcela denominada Quinteiro 2 do proxecto de compensación do SUP-1 Romero Donallo.
Referencia do expediente: CON/12/2017.
Tipo de licitación: o prezo de venda da parcela, sen IVE, ascende a 3.112.576,01 euros.
Adxudicación: procedemento aberto.
Proposicións: os licitadores poderán presentar proposicións no Rexistro Xeral do Concello de Santiago de Compostela (r/ Presidente Salvador Allende, nº 4, CP 15705 Santiago de Compostela), entre as 9.00 e as 14.00 horas, dentro do prazo de corenta e cinco (45) días naturais contados desde o día seguinte ao da data de publicación deste anuncio no Boletín Oficial da provincia da Coruña.
Documentación e información: perfil municipal do contratante: www.santiagodecompostela.org.
Criterios de adxudicación: son os sinalados no artigo 12.II) do prego de cláusulas administrativas.
a) Redución do prazo de pagamento correspondente ao segundo ou terceiro prazo (ata 5 puntos): valorarase a razón de dous puntos por cada mes de redución do prazo, sen que se poida reducir máis o pagamento do terceiro prazo que o do primeiro.
b) Criterios ambientais: avaliaranse ata 5 puntos as propostas que se comprometan a utilizar a tecnoloxía relativa ás características enerxéticas do edificio: envolvente térmica, instalacións térmicas e de iluminación, condicións normais de funcionamento e ocupación, condicións de confort térmico, luminoso, calidade do aire interior e demais datos utilizados para obter a cualificación de eficiencia enerxética do edificio.
Valorarase a razón de 2 puntos o compromiso de obter o certificado de eficiencia enerxética A regulado no Real decreto 235/2013, de 5 de abril; os outros puntos restantes valoraranse en atención á tecnoloxía utilizada relativa ás características enerxéticas do edificio sinalada.
c) Reagrupación de propiedade: avaliaranse ata 40 puntos as propostas que acrediten que dispoñen do 40,052 % de propiedade no Quinteiro 2 do SUP-1.
O resto das ofertas valoraranse de forma proporcional.
d) Prezo ofertado: avaliarase con 50 puntos a proposta que ofreza a mellor oferta por riba do prezo valorado no prego; o resto das propostas con ofertas superiores ao prezo valorado no prego valoraranse proporcionalmente mediante a aplicación da seguinte fórmula:
Se algunha oferta supón un incremento superior ao 10 % do prezo que consta no prego puntuaranse todas as ofertas coa seguinte fórmula:
P=50 x (PO-PV) / (PM-PV)
En caso contrario, puntuaranse todas as ofertas coa seguinte fórmula:
P=50 x (PO-PV) / (0,10*PV)
Entendendo que:
PO=prezo ofertado
PM=prezo mellor oferta
PV=prezo valorado no prego
Garantía provisional: 3 % do prezo de licitación.
Garantía definitiva: 5 % do importe de adxudicación.
Apertura de plicas: as datas de apertura dos sobres que conteñen os diferentes criterios de adxudicación para valorar nesta licitación, que terán lugar en acto público no Departamento de Contratación (r/ Presidente Salvador Allende, nº 6-8), anunciaranse previamente no perfil de contratante do órgano de contratación nos termos sinalados no prego de cláusulas administrativas.
Gastos de anuncios: o gasto derivado das publicacións desta licitación será por conta do adxudicatario.
Santiago de Compostela, 12 de abril de 2017
Martiño Noriega Sánchez
Alcalde