Expediente: IN407A 2016/3027-1.

Promotor: Unión Fenosa Distribución, S.A.

Denominación da instalación: recuamento LMT GRN-708 área recreativa de Seixedo.

Concello: Arteixo.

Feitos:

1. O 14 de decembro de 2016 o promotor solicitou a autorización administrativa previa e a autorización administrativa de construción do proxecto de execución da instalación de distribución eléctrica indicada.

2. O proxecto someteuse ao trámite de información pública mediante a súa inserción no DOG núm. 36, do 21 de febreiro e no BOP núm. 25, do 6 de febreiro de 2017.

3. Solicitouse o preceptivo informe ás distintas administracións, organismos ou, de ser o caso, empresas de servizo público ou de servizos de interese xeral afectados. O promotor manifestou a súa conformidade cos condicionados establecidos.

4. Os servizos técnicos da xefatura territorial emitiron un informe favorable sobre a dita solicitude.

Consideracións legais e técnicas:

1. A Lei 24/2013, do 26 de decembro, do sector eléctrico.

2. O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

3. O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

4. O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

5. O Real decreto 842/2002, do 2 de agosto, polo que se aproba o Regulamento electrotécnico para baixa tensión.

6. As características técnicas da instalación son as seguintes:

– Liña de media tensión aérea GRN-708, a 15 kV, cunha lonxitude de 73 m, con orixe no apoio nº 45-1 existente no tramo de LMTA GRN-708 (expediente 70/13) que vai á derivada do CT Agramonte Agarimo (expediente 30.572) e CT Ponte (expediente 115/08), condutor tipo LA-56 mm2 AI (existente), e final no apoio nº 45-2 proxectado no tramo de LMTA GRN-708 (expediente 70/13) que vai á derivada do CT Agramonte Agarimo (expediente 30.572) e CT Ponte (expediente 115/08).

– Liña de media tensión subterránea, a 15 kV, cunha lonxitude de 120 m, con orixe no paso aerosubterráneo proxectado nº 45-2, proxectado no tramo de LMTA GRN-708 (expediente 70/13) que vai á derivada do CT Agramonte Agarimo (expediente 30.572) e CT Ponte (expediente 115/08), condutor tipo: RHZ1-20L 12/20 kV 1×240 mm2 AI e final no paso aerosubterráneo proxectado en apoio existente, no tramo de LMTA GRN-708 (expediente 70/13) que vai á derivada ao CT Agramonte Agarimo (expediente 30.572) e CT Ponte (expediente 115/08).

– Desmontaxe do tramo de liña de media tensión subterránea GRN-708, a 15 kV, cunha lonxitude de 102 m, con orixe no apoio de celosía existente nº 45-2 ata o apoio nº 45-2-1 de celosía.

O orzamento da instalación, segundo o proxecto, é de 14.089,48 €.

7. No expediente consta un informe favorable dos servizos técnicos desta xefatura territorial.

De acordo con todo o indicado,

RESOLVO:

1. Conceder a autorización administrativa previa e a autorización administrativa de construción á instalación de distribución eléctrica indicada.

2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

3. Para a posta en funcionamento da instalación autorizada, deberá presentar perante esta xefatura territorial unha solicitude coa cal se achegará a seguinte documentación:

• As declaracións de conformidade relativas ao material ou equipamento, e as certificacións ou homologacións, se procede.

• Un certificado do director da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas, na montaxe da instalación e posta a punto.

4. Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderá interporse recurso de alzada ante o conselleiro de Economía, Emprego e Industria, no prazo dun mes contado a partir do día seguinte ao da notificación ou publicación, nos termos establecidos na Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que os interesados poidan interpor calquera outro recurso que se considere pertinente.

A Coruña, 12 de abril de 2017

Isidoro Martínez Arca
Xefe territorial da Coruña