DSP Despedimento/cesamentos en xeral 647/2015
Procedemento orixe: /
Sobre despedimento
Demandantes: Juan Carlos Gómez González
Avogado: José Nogueira Esmoris
Eu, María Jesús Hernando Arenas, letrada da Administración de xustiza do Xulgado do Social número 5 da Coruña, fago saber que no procedemento de despedimento/cesamentos en xeral 647/2015 deste xulgado do social, seguido por instancia de Juan Carlos Gómez González contra Sumtec, S.L., Portas Blindex, S.L., General Panels, S.L., Bianinver Sociedad de Inversiones, S.L., Fondo de Garantía Salarial, administración concursal de Sumtec, S.L., sobre despedimento, foi ditada a sentenza cuxa parte dispositiva di:
«Tense por desistido Juan Carlos Gómez González da acción exercida contra a entidade Caamaño y Bianchi Sociedad de Inversiones, S.L.
Que debo estimar e estimo a demanda que en materia de resolución de contrato foi interposta por Juan Carlos Gómez González contra a entidade Sumtec, S.L. e a administración concursal de Sumtec, S.L., e debo declarar e declaro extinguida a relación laboral que vinculaba Juan Carlos Gómez González coa entidade Sumtec, S.L., con efectos do 27 de xaneiro de 2016, e debo condenar e condeno a entidade Sumtec, S.L., a aboar ao demandante a indemnización a razón de 32.487,02 €, da cal debería ser descontada a cantidade recoñecida pola extinción colectiva da relación laboral a razón de 16.064,54 €.
Que debo estimar e estimo a demanda que en materia de cantidade foi interposta por Juan Carlos Gómez González contra a entidade Sumtec, S.L., e a administración concursal de Sumtec, S.L., e, en consecuencia, debo condenar e condeno solidariamente Sumtec, S.L. e a administración concursal de Sumtec, S.L., a aboar á demandante a cantidade de 13.542,90 € brutos por salarios acumulados entre outubro de 2014 e abril de 2015, ambos incluídos, así como o xuro do 10 % por demora e aplicable aos conceptos salariais.
Que debo desestimar e desestimo a demanda que en materia de despedimento foi interposta por Juan Carlos Gómez González contra as entidades Sumtec, S.L., Puertas Blindex, S.L., General Panels, S.L., e Bianinver Sociedad de Inversiones, S.L. e administración concursal de Sumtec, S.L.
Que debo desestimar e desestimo a demanda que en materia de cantidade foi interposta por Juan Carlos Gómez González contra as entidades Puertas Blindex, S.L., General Panels, S.L. e Bianinver Sociedad de Inversiones, S.L., a cal debo absolver do pedimento feito contra ela.
Coa intervención procesual do Fondo de Garantía Salarial.
Notifíquese a presente resolución ás partes facéndolles saber o seu dereito a interporen contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.
Así o pronuncia, manda e asina por esta sentenza a maxistrada xuíza deste Xulgado do Social número 5, Pilar Carreira Vidal».
E para que sirva de notificación en legal forma a Bianinver Sociedad de Inversiones, S.L. e General Panels, S.L., en ignorado paradoiro, expido este edicto para a súa inserción no Diario Oficial de Galicia.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 20 de abril de 2017
A letrada da Administración de xustiza
