Con data do 1 de marzo de 2017, o conselleiro de Sanidade resolveu desestimar o recurso de alzada interposto por Roberto Pita Morado, como titular do establecemento Carnicería Roberto, contra a resolución do expediente sancionador 2014406AL-PO ditada pola xefa territorial da Consellería de Sanidade en Pontevedra o 13 de marzo de 2015.

Tras intentar a notificación deste acordo consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, non se puido practicar, polo que, mediante esta cédula, se notifica a Roberto Pita Morado, como titular do establecemento Carnicería Roberto, o contido do dito acordo, que figura no anexo, segundo o disposto no artigo 44 da dita lei, para que teña coñecemento del.

De acordo co establecido no artigo 62 da Lei 58/2003, do 17 de decembro, xeral tributaria, deberá facer efectiva a multa no seguinte prazo: 1) se a notificación se realiza entre os días 1 e 15 do mes, desde a data da notificación ata o día 20 do mes posterior ou, se este non for hábil, ata o inmediato hábil seguinte e, 2) se a notificación se realiza entre os días 16 e último do mes, desde a data da notificación ata o día 5 do segundo mes posterior ou o inmediato hábil seguinte; todo iso mediante ingreso que deberá efectuar en calquera oficina de Abanca, do BBVA, transacción 1316 NIF S1511001H, e do Banesto, empregando os impresos normalizados que lle serán facilitados nas dependencias desta xefatura territorial. De non facelo así, procederase ao seu cobramento pola vía de constrinximento.

Así mesmo, fáiselle saber o dereito que o asiste para presentar recurso contencioso-administrativo ante o xulgado do contencioso-administrativo competente, segundo o disposto nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa, e no artigo 91 da Lei 6/1985, do 1 de xullo, do poder xudicial, no prazo de dous meses que se contarán desde o día seguinte ao da publicación desta cédula, de conformidade co artigo 46 da referida Lei 29/1998.

Esta cédula expídese para que conste e sirva de notificación ao interesado, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do BOE.

Pontevedra, 31 de marzo de 2017

Ángeles Feijoo-Montenegro Fernández
Xefa territorial de Pontevedra

ANEXO

Número do expediente: 2014406AL-PO.

Denunciado: Roberto Pita Morado, como titular do establecemento Carnicería Roberto.

Último enderezo coñecido: rúa Sanjurjo Badía núm. 88 de Vigo, Pontevedra.

Feito imputado: infracción en materia de seguridade alimentaria.

Preceptos infrinxidos:

Regulamento (CE) 852/2004, do 29 de abril, relativo á hixiene dos produtos alimenticios:

– Artigo 3, que recolle as obrigacións xerais dos operadores de empresa alimentaria.

– Artigo 4, que establece os requisitos xerais e específicos en materia de hixiene.

– Artigo 5, que establece o sistema de análise de perigos e puntos de control crítico.

Artigo 17 do Regulamento 178/2002, do 28 de xaneiro, polo que se establecen os principios e requisitos xerais da lexislación alimentaria, que recolle as responsabilidades de empresas alimentarias respecto do cumprimento dos requisitos en todas as etapas de produción, transformación e distribución.

Tipificación: unha infracción leve tipificada no artigo 51 punto 1 da Lei 17/2011, do 5 de xullo, de seguridade alimentaria e nutrición.

Sanción imposta: trescentos euros (300,00 euros).

Contido da resolución: desestima o recurso de alzada interposto por Roberto Pita Morado, como titular do establecemento Carnicería Roberto.