Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Begasa.
Domicilio social: parque empresarial As Gándaras; rúa A, parcela U2, Lugo.
Denominación: repotenciación da LAT 132 kV sub. Ludrio-sub. O Ceao entre os apoios 52 e 103 mediante a substitución do condutor de fase.
Situación: concellos de Lugo e Castro de Rei.
Características técnicas:
1. Substitución do condutor existente na liña sub. Ludrio-sub. O Ceao, con orixe no apoio P-52 e final no apoio P-103, actualmente a liña está formada por un circuíto simplex de condutor tipo LA-110, cunha capacidade de transporte de 70 MVA e substitúese por outro circuíto simplex cun novo condutor tipo ACSS TW AW 133/22 Partridgel, cunha nova capacidade de transporte de 140 MVA, cunha lonxitude de 13.772 metros.
2. Reforzo mecánico dos apoios número 55, 69, 84, 95, 96, 97 e 103 para resistir as novas cargas solicitadas, consistente no reforzo dos armados.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 8 de marzo de 2017
Pilar Fernández López
Xefa territorial de Lugo