Eu, María Adelaida Egurbide Margañón, letrada da Administración de xustiza do Xulgado do Social número 5 da Coruña, fago saber que no procedemento de despedimento/cesamentos en xeral 49/2017 deste xulgado do social, seguido por instancia de María de los Ángeles Neira Rodríguez contra Neiracarton, S.A. e o Fogasa, sobre despedimento, ditouse sentenza, cuxa resolución di:

«Que debo estimar e estimo a demanda que en materia de despedimento foi interposta por María de los Ángeles Neira Rodríguez contra a entidade Neiracartón, S.A. e, en consecuencia, debo declarar e declaro nulo o despedimento de que a demandante foi obxecto en data do 28 de novembro de 2016, e debo declarar e declaro extinguida a relación laboral que unía as partes, desde a data da presente resolución (22.2.2017), ao cesar na súa actividade a anterior entidade, e condeno a entidade Neiracartón, S.A., ao aboamento dunha indemnización por despedimento a razón de 1.715,26 euros, e por salarios de tramitación a razón de 3.155,34 euros. Coa intervención procesual do Fondo de Garantía Salarial.

Notifíquese a presente resolución ás partes, facéndolles saber o seu dereito a interpoñer contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

E para que sirva de notificación en legal forma á empresa Neiracartón, S.A., en ignorado paradoiro, expido o presente para a súa inserción no Diario Oficial de Galicia».

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 11 de abril de 2017

A letrada da Administración de xustiza