Na Xunta de Goberno Local do 16 de marzo de 2017, aprobouse o expediente de contratación da xestión do servizo público das ludotecas municipais do concello de Mos.

Durante o prazo de presentación de instancias permanecerán, así mesmo, expostos os correspondentes pregos e poderanse presentar as alegacións que se entendan oportunas.

1. Entidade adxudicadora: Concello de Mos.

2. Obxecto do contrato: xestión do servizo público das ludotecas municipais do concello de Mos.

3. Prazo de duración: dous (2) anos prorrogables por outros dous.

4. Procedemento: aberto.

5. Canon anual mínimo: 1.000 euros/ano, ao cal se lle engadirá o IVE.

6. Garantías. Provisoria: non se exixe. Definitiva: 50 % do valor do canon anual ofertado e, en todo caso, por contía mínima de 2.000 euros.

7. Obtención de información e documentación: a través da páxina web do Concello: http://www.concellomos.es/ e no Concello de Mos. R/ Reguengo, 1, Petelos. 36416 Mos. Pontevedra. Teléfono: 986 33 12 00, telefax: 986 33 66 18.

8. Requisitos xerais do contratista: sinalados no prego de condicións administrativas. Clasificación: non se exixe.

9. Presentación de proposicións:

a) Prazo e lugar: no Concello de Mos (Pontevedra) durante os quince (15) días naturais desde o día seguinte ao da publicación deste anuncio no último boletín (DOG ou BOP), das 9.00 ás 14.00 horas, de luns a venres, no Rexistro Xeral do Concello ou por calquera outro medio a que se refire o artigo 16 da Lei 39/2015.

b) Documentación que cómpre presentar: as proposicións en sobres pechados, coas inscricións e a documentación que se sinala nos pregos de condicións.

10. Apertura das ofertas: na casa do concello de Mos, o sexto día hábil seguinte ao da finalización do prazo para a presentación de proposicións (para efectos da apertura, o sábado considerarase inhábil).

11. Gastos de anuncios: serán por conta do adxudicatario.

Mos, 21 de marzo de 2017

Nidia Mª Arévalo Gómez
Alcaldesa