O Concello Pleno, en sesión que tivo lugar o día 24 de novembro de 2016, acordou aprobar definitivamente o estudo de detalle formulado para a ordenación de volumes (ampliación) do CEIP As Mercedes, sito entre as rúas Montirón e Novo Freire, promovido pola Consellería de Cultura, Educación e Ordenación Universitaria da Xunta de Galicia.

O contido íntegro do documento aprobado poderase consultar no seguinte enderezo electrónico: http://lugo.gal/gl/actuacions/normativa-urbanistica

Así mesmo, faise constar que, unha vez publicado este anuncio, se lle remitirá á Consellería de Medio Ambiente e Ordenación do Territorio unha copia dilixenciada, en soporte dixital, do documento aprobado definitivamente, para os efectos previstos nos artigos 82.4 e 88.3 da Lei 2/2016, do solo de Galicia.

Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.

Lugo, 31 de marzo de 2017

A alcaldesa P.D. (Decreto 16008543) Xosé Daniel Piñeiro Villares Tenente alcalde delegado da Área de Desenvolvemento Sostible e Persoal

Carolina Álvarez López Secretaria xeral do Pleno accidental