Antecedentes:
A Lei 8/2013, de estradas de Galicia, determina no seu artigo 6.2 que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta de Galicia elaborou a Estratexia en materia de mobilidade alternativa de Galicia, entre cuxos obxectivos está o fomento dos sistemas de transporte alternativos aos motorizados que permitan minimizar as repercusións sobre o ambiente e os seus impactos sociais e económicos.
Os beneficios esperados co fomento desta mobilidade alternativa son, entre outros, o emprego de modos de transporte non motorizados, a mellora da mobilidade, da calidade do aire, da saúde, da igualdade e do benestar, da economía, do patrimonio e do urbanismo.
Con data do 7 de marzo de 2016 a Axencia Galega de Infraestruturas aprobou, con base na Estratexia en materia de mobilidade alternativa de Galicia, o documento de Fomento da mobilidade sustentable: sendas peonís e/ou ciclistas na comarca de Santiago, onde unha das sendas propostas é un itinerario peonil e ciclista na AC-543, que agora se está a desenvolver mediante o proxecto construtivo Itinerario peonil e ciclista na AC-543, treito A Barcia-Roxos, p.q. 1+800-4+150, de clave AC/16/089.06.
O dito proxecto construtivo ten por obxecto a execución dun itinerario mixto (peonil e ciclista) na marxe dereita da estrada AC-543 coa finalidade de acadar unha diminución do tráfico rodado motorizado diario que actualmente existe entre os lugares da Barcia e Roxos, ambos os dous no concello de Santiago de Compostela, de xeito que a poboación dos devanditos núcleos empreguen a senda para os seus desprazamentos cotiás en lugar do vehículo particular, contribuíndo deste xeito a unha redución das emisións de carbono, ao mesmo tempo que se contribúe á mellora da seguridade viaria neste treito da referida estrada.
O itinerario considerado está deseñado en toda a súa lonxitude para albergar un largo máximo de 3,34 m distribuídos do seguinte xeito: zona destinada ao tránsito peonil e ciclista de largo mínimo 1,80 m (aínda que se intentan acadar os 2 m na máxima lonxitude posible), e separador vexetal de largo entre 50 e 90 cm (variable ao longo do trazado), que permite dar maior amplitude ao espazo destinado ao tránsito e separar o itinerario da calzada, delimitado este por dous bordos de formigón (de aproximadamente 22 cm de largo).
O itinerario proxectado é na súa maior parte de formigón coloreado, agás nos treitos comprendidos entre os p.q. 1+890-1+960, nos cales se aplicará un slurry en cor, a base de resinas sintéticas, sobre o pavimento asfáltico existente, e entre os p.q. 1+960-1+970 e 2+012-2+043, nos cales a senda se executará cun chan estabilizado.
Doutra banda, no treito comprendido entre os p.q. 1+970-2+012, executarase unha pasarela de madeira de aproximadamente 2 m de largo, co fin de salvar un regato existente.
As obras previstas comprenden tamén as seguintes actuacións complementarias á execución da senda, e que son necesarias para garantir a súa funcionalidade:
– Ampliarase a sección transversal para albergar os novos elementos que pasarán a formar parte da nova plataforma, de xeito que será preciso realizar pequenos desmontes ou terrapléns co fin de obter o largo óptimo para a senda, buscando así a integración da senda na vía actual en condicións de seguridade axeitadas en con criterios de deseño sustentables ambiental e economicamente.
– Mellora da drenaxe, sinalización, balizamento e defensas, así como a reposición de servizos.
Considerando todo o exposto e o establecido na normativa vixente,
RESOLVO:
Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, o mencionado proxecto de construción sométese ao trámite de información pública, durante un período de trinta días hábiles, contados a partir do seguinte ao da publicación deste anuncio no Diario Oficial de Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.
Segundo. Que, simultaneamente ao trámite sinalado no parágrafo anterior, e para os efectos previstos no artigo 56.1 do Regulamento de expropiación forzosa, se someta a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas da Coruña (r/ Vicente Ferrer, 2, 15008 A Coruña), na Casa do Concello de Santiago de Compostela (Pazo de Raxoi, praza do Obradoiro, s/n, 15701 Santiago de Compostela). Así mesmo, na páxina web da Consellería de Infraestruturas e Vivenda (http://civ.xunta.gal/seccion-organizacion/c/CIV_Axencia_Galega_de_Infraestruturas) atópase á disposición dos interesados o documento completo do proxecto de construción.
Santiago de Compostela, 5 de abril de 2017
Francisco Menéndez Iglesias
Director da Axencia Galega de Infraestruturas
ANEXO
Relacion de bens, dereitos e propietarios afectados
Proxecto de construción: Itinerario peonil e ciclista na AC-543.
Treito: A Barcia-Roxos, p.q. 1+800-4+150.
Clave: AC/16/089.06.
Concello de Santiago de Compostela; parroquia de Villestro.
Núm. orde |
Referencia catastral |
Titular |
Superficie solo (m2) |
Bens afectados |
|
Unidade |
Tipo de ben |
||||
1 |
2671910NH3427B |
Mosquera Sánchez, Dolores (herdeiros de) |
21 Urbano fóra de aliñacións |
1 1,7 3 |
Traslado portal Muro contención Planta |
2 |
2671909NH3427B |
Vaamonde Seoane, Fernando |
62 Urbano fóra de aliñacións |
32 3,2 |
Malla de arame Muro contención |
3 |
2671907NH3427B |
Carrillo López, María del Carmen, Magan Carrillo, Sonia |
3 Urbano fóra de aliñacións |
||
4 |
2671906NH3427B |
Vilouta Boquete, Josefa (B0001bz) Valeiras Muñoz, Gabriel (B0002zx) |
1,5 Urbano fóra de aliñacións |
||
5 |
2671905NH3427B |
Arincon Andrés, Antonio, Castro Fraga, Hermosinda |
6 Urbano fóra de aliñacións |
0,555 1 |
Traslado contador Árbore |
6 |
2473215NH3427C |
Fernández Fernández, José (herdeiros de) |
66,5 Urbano fóra de aliñacións |
45 |
Peche vexetal |
7 |
2374105NH3427C |
Garaboa Sánchez, José |
5 Urbano fóra de aliñacións |
6 10 |
Peche vexetal Malla de arame |
8 |
Concello de Santiago de Compostela |
14 Urbano fóra de aliñacións |
|||
9 |
2074503NH3427C |
Pazos Pensado, Camilo, Baliñas García, M. Josefa |
5,15 Urbano fóra de aliñacións |
5,25 1 4 |
Muro de bloque Traslado contador Árbore |
10 |
1974701NH3417D |
Fijo Brandariz, Manuel, Oleiro Calveiro, María del Carmen |
31 Urbano fóra de aliñacións |
4 1 |
Muro de pedra Traslado portal |
11 |
1874109NH3417D |
Lozano Prado, Edelmiro |
14 Urbano fóra de aliñacións |
||
12 |
1874110NH3417D |
Garaboa Iglesias, Avelino |
2,1 Urbano fóra de aliñacións |
||
13 |
1773905NH3417D |
Noya Castro, María Carmen, Noya Castro, María Victoria Áurea, Noya Castro, Ana María |
2,25 Urbano fóra de aliñacións |
3 2 |
Planta Banco de pedra |
14 |
1573901NH3417D |
Fernández Rey, Gerardo e outros titulares |
24,6 Urbano fóra de aliñacións |
8 |
Muro contención |
15 |
15079B50201023 |
Iglesias Villar, Alfonso |
1,5 Urbano fóra de aliñacións |
1 |
Muro contención |
16 |
1272304NH3417C |
Vázquez Cabrera, José María |
21,6 Labradío |
12 |
Muro de pedra |
17 |
1272305NH3417C |
Barreiro García, José |
95,7 Labradío |
||
18 |
1071507NH3417A |
Barreiro García José |
8,9 Labradío |
18 |
Planta |