Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Serrerías Rodríguez, S.L.
Domicilio social: lg. Outeiro, Setecoros, 7, 36612 Valga.
Denominación: instalación fotovoltaica de autoconsumo en Outeiro.
Situación: Valga.
Características técnicas: instalación solar fotovoltaica de autoconsumo cunha potencia nominal de 315,84 kWp. A instalación consta de 1.132 módulos e 8 inversores, 4 dunha potencia de 50 kW e 4 de 25 kW, instalados sobre a cuberta dunha nave industrial, ocupando unha superficie de 5.500 metros cadrados. A instalación está situada en Outeiro, Setecoros, Valga.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 15 de novembro de 2016
Ignacio Rial Santomé
Xefe territorial de Pontevedra