No Tribunal Superior de Xustiza de Galicia tramítase o procedemento sobre conflitos colectivos número 4/2017, interposto pola Federación de Empregadas e Empregados dos Servizos Públicos de UXT contra a Resolución do 4.1.2017 pola que se convoca concurso de méritos para a provisión de postos de responsabilidade reservados ao persoal laboral de administración e servizos da Universidade de Vigo.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, que conta a partir do seguinte ao da publicación desta resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Vigo, 22 de marzo de 2017

Salustiano Mato de la Iglesia
Reitor da Universidade de Vigo