No Xulgado do Contencioso-Administrativo número 1 de Vigo tramítase o procedemento abreviado 42/2017 interposto por Rafael Vallejo Pousada e outros contra o Acordo do Consello de Goberno da Universidade de Vigo, do 16 de decembro de 2016, en que se aproban o procedemento e os criterios de selección de áreas de coñecemento para participar na convocatoria de prazas de promoción interna a catedrático/a de universidade para o ano 2016, e contra a Resolución da Secretaría Xeral da Universidade de Vigo, do 12 de xaneiro de 2017, polo que se desestima a solicitude de execución do Acordo do Consello de Goberno, do 21 de febreiro de 2013, sobre procedemento de promoción ao corpo de catedrático/a de universidade.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, a partir do seguinte ao da publicación desta resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Vigo, 22 de marzo de 2017
Salustiano Mato de la Iglesia
Reitor da Universidade de Vigo