Eu, Juan Rey Pita, letrado da Administración de Xustiza do Xulgado do Social número 3 da Coruña, fago saber que por resolución ditada no día da data, no proceso seguido por instancia de Jesús Caamaño Puente contra Grúas y Transportes Vidal, S.A., Grúas Vidal, S.A., Grúas y Talleres Vidal, S.A. en reclamación de cantidade, rexistrado co procedemento ordinario número 27/2015 se acordou, en cumprimento do que dispón o artigo 59 da LJS, citar a Grúas y Transportes Vidal, S.A., Grúas Vidal, S.A., Grúas y Talleres Vidal, S.A., en ignorado paradoiro, co fin de que compareza o día 20 de abril de 2017 ás 10.50 horas, en planta 1, sala 1, Edificio Xulgados, para a celebración dos actos de conciliación e, se é o caso, xuízo, podendo comparecer persoalmente ou mediante persoa legalmente apoderada, e que deberá acudir con todos os medios de proba de que intente valerse, coa advertencia de que é única convocatoria e de que os devanditos actos non se suspenderán por falta inxustificada de asistencia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

En caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, poñerá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida estar este representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que sirva de citación a Grúas y Transportes Vidal, S.A., Grúas Vidal, S.A., Grúas y Talleres Vidal, S.A., expídese a presente cédula para a súa publicación no Diario Oficial de Galicia e colocación no taboleiro de anuncios.

A Coruña, 15 de marzo de 2017

O letrado da Administración de xustiza